തിരുവനന്തപുരം: നവവധു ആത്മഹത്യ ചെയ്ത സംഭവത്തില് ഭർത്താവ് പോലീസ് കസ്റ്റഡിയില്. പാലോട് സ്വദേശി ഇന്ദുജ(25)യെയാണു കഴിഞ്ഞ ദിവസം ഭർതൃവീട്ടില് മരിച്ച നിലയില് കണ്ടെത്തിയത്. സംഭവത്തില് യുവതിയുടെ വീട്ടുകാർ നല്കിയ പരാതിയിലാണു ഭർത്താവ് അഭിജിത്തിനെ കസ്റ്റഡിയിലെടുത്തത്.
കിടപ്പുമുറിയിലെ ജനലില് തൂങ്ങി മരിച്ച നിലയിലാണ് ഇന്ദുജയെ കണ്ടെത്തിയത്. ഭക്ഷണം കഴിക്കാനായി അഭിജിത്ത് ഉച്ചയ്ക്ക് വീട്ടില് എത്തിയപ്പോഴാണ് തൂങ്ങി നില്ക്കുന്നതായി കണ്ടത്. ഉടനെ ആശുപത്രിയില് എത്തിച്ചെങ്കിലും ജീവൻ രക്ഷിക്കാനായില്ല. പിന്നാലെ മരണത്തില് ദുരൂഹത ആരോപിച്ച് കുടുംബം രംഗത്തെത്തിയിരുന്നു.
ഭർതൃവീട്ടില് നിരന്തരം മാനസിക പീഡനങ്ങളും ഭീഷണിയും നേരിടുന്നതായി മകള് തങ്ങളെ അറിയിച്ചതായും എന്നാല് തങ്ങളെ അവിടേക്ക് ചെല്ലാൻ അനുവദിച്ചിരുന്നില്ലെന്നുമാണ് ഇന്ദുജയുടെ കുടുംബം ആരോപിക്കുന്നത്. മൂന്ന് മാസം മുമ്പായിരുന്നു അഭിജിത്തിന്റെയും ഇന്ദുജയുടെയും വിവാഹം.
രണ്ട് വർഷമായി ഇരുവരും പ്രണയത്തില് ആയിരുന്നുവെന്നാണ് പോലീസിന് ലഭിച്ച വിവരം. മൂന്ന് മാസം മുമ്പ് പെണ്കുട്ടിയെ അഭിജിത്ത് വീട്ടില് നിന്നും വിളിച്ചിറക്കി കൊണ്ട് പോയി അമ്പലത്തില്വച്ച് വിവാഹം കഴിച്ച് ഒപ്പം താമസിപ്പിക്കുകയായിരുന്നു. പെണ്കുട്ടി സ്വകാര്യ ലാബിലെ ജീവനക്കാരിയാണ്. അഭിജിത്ത് സ്വകാര്യ വാഹന കമ്പനിയിലെ ജീവനക്കാരൻ ആണ്.
TAGS : LATEST NEWS
SUMMARY : Newlywed’s death at husband’s house: Husband in police custody
WhatsApp
Telegram
