പാലക്കാട് ഉപതിരഞ്ഞെടുപ്പിൽ പി വി അൻവർ സ്ഥാനാർഥിയായി പ്രഖ്യാപിച്ച മിൻഹാജ് ഇനി സിപിഐഎമ്മിന് ഒപ്പം. പാലക്കാട് സിപിഐഎം ജില്ലാ സെക്രട്ടറി ഇ എൻ സുരേഷ് ബാബുവാണ് ഈക്കാര്യം അറിയിച്ചത്. തൃണമൂൽ കോൺഗ്രസിൻ്റെ സംസ്ഥാന കോഡിനേറ്ററിൽ ഒരാളാണ് നിലവിൽ മിൻഹാജ്.
അന്‍വറിൻ്റെ നേതൃത്വത്തിലുള്ള സംസ്ഥാനത്തെ തൃണമൂല്‍ കോണ്‍ഗ്രസ് ബിജെപിയിലേക്ക് ചേക്കേറുമെന്ന് ആരോപിച്ചാണ് ഇടത് ചേരിക്കൊപ്പം മിന്‍ഹാജ് ചേര്‍ന്നിരിക്കുന്നത്. സിപിഎം ജില്ലാ സെക്രട്ടറി ഇഎൻ സുരേഷ് ബാബുവിനൊപ്പമെത്തിയാണ് മിൻഹാജ് പത്രസമ്മേളനത്തിലൂടെ ഇക്കാര്യം അറിയിച്ചത്.
തൃണമൂൽ കോൺഗ്രസിൻ്റെ എല്ലാ സ്ഥാനങ്ങളും രാജിവെച്ചതായി മിൻഹാജ് പ്രഖ്യാപിച്ചു. സ്ഥാനമാനങ്ങൾക്ക് വേണ്ടിയല്ല സിപിഎമ്മിൽ ചേരുന്നതെന്നും അദ്ദേഹം പറഞ്ഞു. അതേസമയം മിൻഹാജിനേയും കൂടെയുള്ളവരേയും സിപിഎം സംരക്ഷിക്കുമെന്നും വേണ്ട രീതിയിൽ പരിഗണിക്കുമെന്നും സിപിഎം ജില്ലാ സെക്രട്ടറി ഇ എൻ സുരേഷ് ബാബു പറഞ്ഞു.
<BR>
TAGS : PV ANWAR | PALAKKAD
SUMMARY : Minhaj leaves Anwar’s party and joins CPM
