തമിഴ്‌നാട്ടില്‍ സ്‌ഫോടനത്തില്‍ മലയാളി കൊല്ലപ്പെട്ടു: മൃതദേഹം അഴുകിയ നിലയില്‍

ചെന്നൈ: തമിഴ്‌നാട്ടില്‍ സ്‌ഫോടനത്തില്‍ മലയാളി കൊല്ലപ്പെട്ടു. ദിണ്ടിഗലില്‍ ആണ് സംഭവം. മരിച്ചത് കോട്ടയം പൊൻകുന്നം കൂരാളി സ്വദേശിയായ സാബു ജോണ്‍ (59) ആണ്‌. ഇയാള്‍ ഇവിടെ മാമ്പഴത്തോട്ടം പാട്ടത്തിനെടുത്ത് കൃഷി ചെയ്യുകയായിരുന്നു. തോട്ടത്തില്‍ അഴുകിയ നിലയിലാണ് മൃതദേഹം കണ്ടെത്തിയത്.

കുറഞ്ഞത് നാല് ദിവസത്തെ പഴക്കമെങ്കിലും മൃതദേഹത്തിന് ഉണ്ടെന്നാണ് പോലീസ് അറിയിച്ചത്. മൃതദേഹത്തിനടുത്ത് നിന്ന് പോലീസ് ജെലാറ്റിൻ സ്റ്റിക്കുകളും വയറുകളും കണ്ടെത്തി. മരണം സംഭവിച്ചിരിക്കുന്നത് പൊട്ടിത്തെറിച്ചാണ് എന്നാണ് ഇതിലൂടെ ലഭിക്കുന്ന സൂചന. സഹോദരൻ ഒരാഴ്ച്ചയായി കോള്‍ എടുക്കുന്നില്ല എന്നുള്ള പരാതിയിലാണ് അന്വേഷണം നടത്തിയത്. സ്ഥലത്ത് എൻ ഐ എ സംഘവും പരിശോധന നടത്തുന്നുണ്ട്.

TAGS : TAMILNADU
SUMMARY : Malayali killed in explosion in Tamil Nadu: Body found decomposed