കോഴിക്കോട്: സെക്സ് റാക്കറ്റില് നിന്നും രക്ഷപെട്ട പതിനേഴുകാരി പോലീസ് സ്റ്റേഷനില് അഭയംതേടി. കോഴിക്കോട് നഗരമധ്യത്തില് പ്രവർത്തിച്ചിരുന്ന സെക്സ് റാക്കറ്റില് നിന്നാണ് അസം സ്വദേശിനിയായ പെണ്കുട്ടി രക്ഷപെട്ടത്. കോഴിക്കോട് റെയില്വേ സ്റ്റേഷനു സമീപത്തുള്ള കെട്ടിടം കേന്ദ്രീകരിച്ചാണ് അനാശാസ്യ പ്രവര്ത്തനം.
തന്നെ പ്രണയം നടിച്ചാണ് ഇവിടെ എത്തിച്ചതെന്നും അഞ്ച് പെണ്കുട്ടികള് കൂടി പെണ്വാണിഭ കേന്ദ്രത്തിലുണ്ടെന്നുമാണ് പെണ്കുട്ടിയുടെ മൊഴി. കഴിഞ്ഞ ദിവസമാണ് പതിനേഴുകാരി പെണ്വാണിഭ കേന്ദ്രത്തില് നിന്നും രക്ഷപെട്ട് പോലീസ് സ്റ്റേഷനില് അഭയം തേടിയത്. ഈ സമയത്താണ് പെണ്കുട്ടിയുടെ വെളിപ്പെടുത്തല് ഉണ്ടായത്. സമൂഹമാധ്യമത്തിലൂടെ പരിചയപ്പെട്ട യുവാവ് പ്രണയം നടിച്ചാണ് തന്നെ കേരളത്തിലെത്തിച്ചത് എന്നാണ് പെണ്കുട്ടി പോലീസിനോട് പറഞ്ഞത്.
കോഴിക്കോട്ടെ ലോഡ്ജില് എത്തിച്ച ശേഷം പൂട്ടിയിട്ട് ഇടപാടുകാർക്ക് കാഴ്ച്ചവെക്കുകയായിരുന്നെന്നും പെണ്കുട്ടി പോലീസിന് മൊഴി നല്കി. ജുവനൈല് ബോർഡിന് മുന്നില് ഹാജരാക്കിയ പെണ്കുട്ടിയെ സുരക്ഷിത കേന്ദ്രത്തിലേക്ക് മാറ്റി. നിലവില് ആരും കസ്റ്റഡിയിലായിട്ടില്ല. സംഭവത്തില് പോലീസ് അന്വേഷണം തുടങ്ങി.
TAGS : LATEST NEWS
SUMMARY : Sex racket centered around Kozhikode lodge; 17-year-old girl who escaped seeks shelter at police station
