ബസുകളില്‍ കവർച്ച; യുവതി പിടിയിൽ, അറസ്റ്റിനിടെ ആത്മഹത്യാ ശ്രമം

ബെംഗളൂരു: ബിഎംടിസി ബസ് യാത്രക്കാരെ കവർച്ച ചെയ്യുന്ന യുവതി അറസ്റ്റിൽ. ആന്ധ്രാപ്രദേശ് സ്വദേശിനിയായ ലതയാണ് അറസ്റ്റിലായത്. ബിഎംടിസി ബസുകളിൽ ഒറ്റയ്ക്ക് യാത്ര ചെയ്യുന്ന സ്ത്രീകളെയാണ് ലത കവർച്ചയ്ക്ക് ഇരയാക്കിയിരുന്നത്. ഒറ്റയ്ക്ക് പോകുന്ന സ്ത്രീകളുമായി സൗഹൃദം സ്ഥാപിച്ച ശേഷമാണ് മോഷണം നടത്താറുള്ളത്.

ലതയിൽ നിന്ന് വിലപിടിപ്പുള്ള മൊബൈൽ ഫോണുകളും ഹാൻഡ്‌ബാഗുകളും ആഭരണങ്ങളും പോലീസ് കണ്ടെടുത്തു. ബിഎംടിസി ബസിലെ സിസിടിവി ദൃശ്യങ്ങൾ കേന്ദ്രീകരിച്ച് നടന്ന അന്വേഷണത്തിലാണ് ഇവർ പിടിയിലാകുന്നത്. അറസ്റ്റിനിടെ ലത വിഷം പുരട്ടിയ ചോക്ലേറ്റ് കഴിച്ച് പോലീസ് സ്റ്റേഷനിൽ കുഴഞ്ഞു വീണിരുന്നു. തുടർന്ന് പോലീസ് യുവതിയെ വിക്ടോറിയ ആശുപത്രിയിൽ പ്രവേശിപ്പിച്ചു. ബൈതരായന പോലീസ് സംഭവത്തിൽ കേസെടുത്തിട്ടുണ്ട്.

TAGS: BENGALURU | ARREST
SUMMARY: Thief who targeted women passengers on BMTC buses arrested