ബെംഗളൂരു: ഉപതിരഞ്ഞെടുപ്പിലെ ബിജെപിയുടെ പരാജയം അംഗീകരിക്കുന്നതായി മുൻ മുഖ്യമന്ത്രിയും ബിജെപി നേതാവുനായ ബസവരാജ് ബൊമ്മൈ. ജനവിധി എന്ത് തന്നെയായാലും അത് പാർട്ടി അംഗീകരിക്കും. വരുന്ന തിരഞ്ഞെടുപ്പുകളിൽ പിഴവുകൾ പരിഹരിച്ച് മുമ്പോട്ട് പോകുമെന്നും ഹവേരി-ഗദഗ് എംപി കൂടിയായ ബൊമ്മൈ പറഞ്ഞു.
ഷിഗ്ഗാവ്-സവനൂർ മണ്ഡലത്തിൽ ബൊമ്മൈയുടെ മകൻ ഭരത് ബൊമ്മൈ ആയിരുന്നു മത്സരിച്ചിരുന്നത്. മണ്ഡലത്തിൽ കോൺഗ്രസിന്റെ യാസിർ ഖാൻ പഠാൻ ആണ് വിജയിച്ചത്. വിജയിക്കുമെന്ന് ആത്മവിശ്വാസത്തിലായിരുന്നു. എന്നിരുന്നാലും, ജനങ്ങളുടെ തീരുമാനമാണ് പ്രധാനമെന്ന് അദ്ദേഹം പറഞ്ഞു. ഷിഗ്ഗാവ്-സവനൂർ നിയോജക മണ്ഡലങ്ങളിൽ കാര്യമായ വികസന പ്രവർത്തനങ്ങൾ ഏറ്റെടുത്തിട്ടുണ്ടെന്നും വികസന യാത്ര തുടരുമെന്ന് പ്രതീക്ഷിക്കുന്നതായും മണ്ഡലത്തിലെ ജനങ്ങൾക്ക് ആശംസകൾ നേരുന്നതായും അദ്ദേഹം പറഞ്ഞു.
TAGS: KARNATAKA | BYPOLL RESULT
SUMMARY: I humbly accept people’s verdict, former CM Basavaraj Bommai after son’s defeat
