ബെംഗളൂരു: ബെംഗളൂരു മഹാദേവപുരയിലെ ബൈക്ക് ഷോറൂമിൽ വൻ തീപിടുത്തം. കഴിഞ്ഞ ദിവസം രാവിലെ 7.30ഓടെയാണ് തീപിടിത്തമുണ്ടായത്. കട അടച്ചിട്ടിരുന്നതിനാൽ ആളപായം ഉണ്ടായില്ല. കനത്ത പുക ഉയരുന്നത് കണ്ട സമീപത്തെ കടയുടമകൾ ഫയർ കൺട്രോൾ റൂമിൽ വിവരമറിയിക്കുകയായിരുന്നു.
ഷോറൂമിലെ സെക്യൂരിറ്റി ജീവനക്കാരൻ പോലും ഭക്ഷണം കഴിക്കാൻ പോയപ്പോഴായിരുന്നു സംഭവം. സമീപത്തെ സർവീസ് സെൻ്ററിലേക്കും തീ പടരുകയും പരിസരത്ത് പാർക്ക് ചെയ്തിരുന്ന 20ഓളം ബൈക്കുകളും കത്തിനശിച്ചു. തീപിടിത്തത്തിൽ ആകെ 50 ഓളം വാഹനങ്ങൾ കത്തിനശിച്ചു.
ഫയർ എഞ്ചിനുകൾ സ്ഥലത്തെത്തി മൂന്ന് മണിക്കൂർ നീണ്ട പരിശ്രമത്തിനൊടുവിലാണ് തീ അണച്ചത്. ഷോർട്ട് സർക്യൂട്ടാണ് തീപിടുത്തതിന് കാരണമെന്നാണ് പ്രാഥമിക നിഗമനം. സംഭവത്തിൽ മഹാദേവപുര പോലീസ് കേസെടുത്തു.
TAGS: BENGALURU | FIRE
SUMMARY: Bike showroom gutted into fire
WhatsApp
Telegram
