ബെംഗളൂരു: നിരവധി കേസുകളിൽ പ്രതിയായ മലയാളി യുവാവിനെ ബെംഗളൂരുവില്‍ മരിച്ച നിലയില്‍ കണ്ടെത്തി. കോട്ടയം സ്വദേശി വിഷ്ണു പ്രശാന്ത്‌ ആണ് മരിച്ചത്. കനകപുര റോഡിലെ ഫാഷൻ വസ്തുക്കളുടെ ഫാക്ടറി ബേസ്‌മെന്റിൽനിന്ന് ഡിസംബർ 24 നാണ് അഴുകിയ നിലയില്‍ വിഷ്ണുവിന്‍റെ മൃതദേഹം കണ്ടെത്തിയത്. 35 ഓളം മോഷണക്കേസുകളിൽ പ്രതിയായിരുന്ന വിഷ്ണു കുറച്ച് മാസം മുൻപാണ് ജയിലിൽനിന്ന് ജാമ്യത്തിലിറങ്ങിയത്.
കൈയിലെ ടാറ്റൂവിന്റെയും സിസിടിവി ദൃശ്യങ്ങളുടെയും അടിസ്ഥാനത്തിൽ വിഷ്ണു പ്രശാന്തിന്റെ അമ്മയാണ് കഴിഞ്ഞ ദിവസം മൃതദേഹം തിരിച്ചറിഞ്ഞത്. മൃതദേഹത്തില്‍ കൊലപാതക ശ്രമത്തിന്റെ അടയാളങ്ങള്‍ ഒന്നും ഇല്ലായിരുന്നെന്ന് പോസ്റ്റ്‌മോർട്ടത്തിൽ വ്യക്തമായതായി കൊനനകുണ്ഡെ പോലീസ് പറഞ്ഞു. മൃതദേഹം ഏറ്റുവാങ്ങാൻ ബന്ധുക്കൾ വിസമ്മതിച്ചതിനാൽ ബെംഗളൂരുവിൽ സംസ്കരിച്ചു.
<BR>
TAGS : DEATH
SUMMARY : Malayali youth found dead in factory basement
WhatsApp
Telegram
