ബെംഗളൂരു: ബന്നാർഘട്ടയിൽ പാതികത്തിക്കരിഞ്ഞ നിലയിൽ യുവാവിന്റെ മൃതദേഹം കണ്ടെത്തി. ബന്നാർഘട്ട വനത്തിനടുത്തുള്ള ശിലീന്ദ്ര ദോഡി ഗ്രാമത്തിന് സമീപം വ്യാഴാഴ്ച രാവിലെയാണ് മൃതദേഹം കണ്ടത്. ജെ.പി. നഗർ സ്വദേശിയും ക്യാബ് ഡ്രൈവറുമായ മധുസൂധന്റെയാണ് (28) ആണ് മൃതദേഹമാണിതെന്ന് പോലീസ് സ്ഥിരീകരിച്ചു.
ബുധനാഴ്ച രാത്രി 9 മണിയോടെ വീട്ടിൽ നിന്ന് പുറത്തേക്ക് പോയ മധുസൂധൻ പിന്നീട് തിരിച്ചെത്തിയിരുന്നില്ല. കുടുംബാംഗങ്ങൾ അന്വേഷിച്ചെങ്കിലും കണ്ടെത്താനായില്ല. തുടർന്ന് പോലീസിൽ പരാതി നൽകിയിരുന്നു. വ്യാഴാഴ്ച രാവിലെ ശിലീന്ദ്ര ദോഡിക്ക് സമീപമുള്ള ഒരു വിജനമായ സ്ഥലത്ത് പകുതി കത്തിയ നിലയിലുള്ള മൃതദേഹം നാട്ടുകാരാണ് കണ്ടത്.
തുടർന്ന് പോലീസിൽ വിവരം അറിയിക്കുകയായിരുന്നു. സമീപത്തു നിന്ന് കണ്ടെത്തിയ തിരിച്ചറിയൽ കാർഡിൽ നിന്നാണ് മധുവാണ് മരിച്ചതെന്ന് പോലീസ് കണ്ടെത്തിയത്. തുടർന്ന് വീട്ടുകാരെ വിവരം അറിയിക്കുകയായിരുന്നു. സംഭവത്തിൽ ബന്നാർഘട്ട പോലീസ് കേസ് രജിസ്റ്റർ ചെയ്തു.
TAGS: BENGALURU | CRIME
SUMMARY: Half-burnt body of cabbie found near Bannerghatta
WhatsApp
Telegram
