ബെംഗളൂരു: ബെംഗളൂരുവില് നിന്നും കണ്ണൂരിലെക്ക് പുറപ്പെട്ട സ്വകാര്യ ബസ് തകരാറിലായതിനെത്തുടർന്ന് മലയാളി യാത്രക്കാർ നാലര മണിക്കൂർ നേരത്തോളം പെരുവഴിയിലായി. വെള്ളിയാഴ്ച രാവിലെ 9.20-ന് ബെംഗളൂരുവിൽനിന്ന് കണ്ണൂരിലേക്ക് പുറപ്പെട്ട സ്വകാര്യബസാണ് ബെംഗളൂരു-മൈസൂരു പാതയിൽ വൈഷ്ണവി ലേഔട്ടിൽ എത്തിയപ്പോൾ തകരാറിലായത്.
22 യാത്രക്കാരായിരുന്നു ബസില് ഉണ്ടായിരുന്നത്. ടിക്കറ്റ് തുക റീഫണ്ട് ചെയ്യാമെന്നും മറ്റു ബസ്സുകളിൽ യാത്ര തുടർന്നോളാനും ജീവനക്കാര് പറഞ്ഞു. എന്നാല് യാത്രക്കാര് പ്രതിഷേധിച്ചതിനെ തുടര്ന്ന് ജീവനക്കാര് ഇതിൽ നിന്നും പിൻമാറുകയായിരുന്നു. പിന്നീട് സർവീസ് സ്റ്റേഷനിൽനിന്ന് ആളെത്തി തകരാർ പരിഹരിച്ച് നാലര മണിക്കൂറിന് ശേഷമായിരുന്നു യാത്രതുടര്ന്നത്. ഉച്ചക്ക് 2 മണിയോടെയാണ് ബസ് കണ്ണൂരിലേക്ക് പുറപ്പെട്ടത്. ബസ് കണ്ണൂരിലെത്താൻ വൈകുമെന്നതിനാൽ രണ്ടുപേർ ബെംഗളൂരുവിലേക്ക് മടങ്ങി. അവധി ദിവസങ്ങളായാതിനാല് വേറെ ബസ് കിട്ടാനില്ലാത്തതിനാലാണ് ടിക്കറ്റിന്റെ പണം നൽകി യാത്ര റദ്ദാക്കാൻ നിർദേശിച്ചതെന്ന് ബസ് ഉടമ പറഞ്ഞു.
SUMMARY: A private bus to Kannur broke down and the passengers were stuck on the highway for four and a half hours
