കോഴിക്കോട്: കോടഞ്ചേരി പതങ്കയം വെള്ളച്ചാട്ടത്തിൽ ഇറങ്ങിയ വിദ്യാർഥി ഒഴുക്കിൽപ്പെട്ടു. മലപ്പുറം മഞ്ചേരി കച്ചേരിപ്പടി സ്വദേശിയായ പ്ലസ് ടു വിദ്യാർഥിയാണ് ഒഴുക്കിൽപ്പെട്ടത്. ഇന്നുച്ചക്ക് 12 മണിയോടെയായിരുന്നു സംഭവം. വെള്ളച്ചാട്ടത്തിൽ കുളിക്കാനായി ഇറങ്ങിയ വിദ്യാർഥി ശക്തമായ ഒഴുക്കിൽപ്പെടുകയായിരുന്നു. മഞ്ചേരിയിൽ നിന്ന് ആറംഗ വിനോദസഞ്ചാര സംഘത്തിൽ ഉൾപ്പെട്ട വിദ്യാർഥിയാണ് അപകടത്തിൽപ്പെട്ടത്.
സംഭവസ്ഥലത്ത് ഫയര്‍ഫോഴ്‌സിന്റെയും നാട്ടുകാരുടെയും നേതൃത്വത്തില്‍ തിരച്ചില്‍ നടക്കുകയാണ്. ഡ്രോണ്‍ ഉപയോഗിച്ചും തിരച്ചില്‍ നടത്തുന്നുണ്ട്.
SUMMARY: Student goes missing after being swept away by the current while taking a bath in a waterfall
