കേരളസമാജം ബെംഗളൂരു നോർത്ത് വെസ്റ്റ് സുവനീർ പ്രകാശനം

ബെംഗളൂരു: കേരളസമാജം ബെംഗളൂരു നോർത്ത് വെസ്റ്റ് സുവനീർ ‘സ്‌മൃതി- 2025’ പ്രകാശനം ചെയ്തു‌. പ്രസിഡന്റ് ചിത്തരഞ്ജന്റെ അധ്യക്ഷതയിൽ ചേർന്ന യോഗത്തിൽ വെച്ച് കേന്ദ്ര സാഹിത്യ അക്കാദമി അവാർഡ് ജേതാവും പ്രമുഖ കന്നഡ വിവർത്തകനുമായ സുധാകരൻ രാമന്തളി പത്രപ്രവർത്തകനും സാഹിത്യകാരനുമായ വിഷ്ണുമംഗലം കുമാറിന് നൽകി പ്രകാശനം നിര്‍വഹിച്ചു. എഴുത്തുകാരായ കെ ആർ കിഷോർ, ഇന്ദിര ബാലൻ, അനിത പ്രേംകുമാർ, മലയാളം മിഷൻ കർണാടക ചാപ്റ്റർ സെക്രട്ടറി ടോമി ആലുങ്കൽ, സുവനീർ കമ്മിറ്റി ചെയർമാൻ ഗോപിനാഥൻ നായർ, സുവനീർ എഡിറ്റർ സഹദേവൻ, സമാജം സ്ഥാപക സെക്രട്ടറിയും പ്രസിഡന്റുമായ ആർ മുരളിധർ, മുൻ സെക്രട്ടറി രഘൂത്തമൻ, എം ഒ വർഗീസ്, പി ജെ ചെറിയാൻ തുടങ്ങിയവർ സംസാരിച്ചു

സമാജം സെക്രട്ടറി ബാലചന്ദ്രൻ നായർ  സ്വാഗതവും സുവനീർ കമ്മിറ്റി കൺവീനർ ടി കെ ഗോപാലകൃഷ്ണൻ നന്ദി പറഞ്ഞു. ട്രഷറർ സുഗതകുമാരൻ നായർ, എം രാമചന്ദ്രൻ, മധുസൂദനൻ, ശിവപ്രസാദ്, വിശ്വനാഥൻ പിള്ള, ഉണ്ണികൃഷ്‌ണ പിള്ള, കെ.പി അശോകൻ, ഗോപകുമാർ, അശോക് കുമാർ, ഓമനകുട്ടൻ പിള്ള, സുകുമാരൻ നായർ, സുജാതൻ, മലയാളം മിഷൻ അധ്യാപികമാരായ ബിന്ദു മനോഹർ. അനിത രാജേഷ്, ബിന്ദു ഗോപാലകൃഷ്‌ണൻ, മൃദുല ഷാജി എന്നിവര്‍ നേതൃത്വം നല്‍കി.
SUMMARY: Kerala Samajam Bengaluru North West Souvenir ‘Smriti-2025’ released