തിരുവനന്തപുരം: ഡ്രൈവിംഗ് ലേണേഴ്സ് ടെസ്റ്റില്‍ മാറ്റം. 20 ചോദ്യത്തിനു പകരം ഇനി 30 ചോദ്യങ്ങളാകും ഉണ്ടാകുക. 18 ഉത്തരമെങ്കിലും ശരിയാവണം. ചോദ്യങ്ങളുടെ സിലബസ് എംവിഡി ലീഡ്സ് മൊബൈല്‍ ആപ്പില്‍ സജ്ജമാക്കി. പുതിയ സമ്പ്രദായം ഒക്ടോബർ ഒന്നു മുതല്‍ പ്രാബല്യത്തില്‍ വരും. ഡ്രൈവിങ് സ്കൂളില്‍ നിന്ന് നല്‍കുന്ന ചോദ്യോത്തരങ്ങള്‍ അടങ്ങിയ പുസ്തകങ്ങള്‍ക്ക് പകരം പുതിയ എം.വി.ഡി ലീഡ്സ് മൊബൈല്‍ ആപ്പില്‍ സിലബസ് ഉണ്ടാകും.
ഡ്രൈവിങ് പരിശീലിപ്പിക്കുന്നയാളുകള്‍, ലൈസന്‍സ് ടെസ്റ്റ് നടത്തുന്ന ഉദ്യോഗസ്ഥര്‍ എന്നിവര്‍ ലീഡ്സ് ആപ് ടെസ്റ്റ് നിർബന്ധമായും പാസാകണം. എംവിഡി ഉദ്യോഗസ്ഥർക്കും സർവീസ് ആനുകൂല്യങ്ങള്‍ ലഭ്യമാവാൻ റോഡ് സേഫ്റ്റി സർട്ടിഫിക്കറ്റ് നേടണം.
SUMMARY: Changes in the state’s Learner’s Test; Number of questions and pass mark increased
