കൊച്ചി: പെരുമ്പാവൂര് അല്ലപ്രയില് സ്വകാര്യ ബസും ടോറസ് ലോറിയും കൂട്ടിയിടിച്ച് അപകടം. പെരുമ്പാവൂര് അല്ലപ്ര കമ്പനിപ്പടിയിലാണ് ഇന്ന് പുലര്ച്ചെ അപകടമുണ്ടായത്. അപകടത്തില് ബസിലുണ്ടായിരുന്ന നിരവധി യാത്രക്കാർക്ക് പരുക്കേറ്റു. ഇവരെ പെരുമ്പാവൂരിലെ വിവിധ ആശുപത്രികളില് പ്രവേശിപ്പിച്ചു.
പരുക്കേറ്റവരില് മലയാളികളും ഇതര സംസ്ഥാന തൊഴിലാളികളുമുണ്ട്. എന്നാല് ആരുടെയും പരുക്ക് ഗുരുതരമല്ല. 20ഓളം പേര്ക്കാണ് പരുക്കേറ്റത്. അപകടമുണ്ടായ ഉടനെ നാട്ടുകാരടക്കമുള്ളവരാണ് രക്ഷാപ്രവര്ത്തനം നടത്തിയത്. അപകടത്തെ തുടര്ന്ന് റോഡില് ഗതാഗത തടസമുണ്ടായി.
SUMMARY: Accident involving a private bus and a Taurus lorry; around 20 people injured
