കോഴിക്കോട്: ഡല്ഹി സ്ഫോടനവുമായി ബന്ധപ്പെട്ട് സംസ്ഥാനത്ത് വിവിധ ഇടങ്ങളില് പരിശോധന. കോഴിക്കോട്, മലപ്പുറം, എറണാകുളം, പാലക്കാട്, ആലപ്പുഴ തുടങ്ങിയ സ്ഥലങ്ങളിലാണ് പരിശോധന നടത്തുന്നത്. കോഴിക്കോട് റെയില്വേ സ്റ്റേഷൻ, ബീച്ച്, കെ. എസ്. ആർ. ടി. സി ബസ്റ്റാന്റ് എന്നിവിടങ്ങളില് ബോംബ് സ്ക്വാഡ് പരിശോധന നടത്തുന്നു.
റെയില്വേ സ്റ്റേഷൻ, ബസ് സ്റ്റാൻഡ്, ബീച്ച് തുടങ്ങി ജനങ്ങള് കൂടുതല് വരാൻ സാധ്യതയുള്ള സ്ഥലങ്ങളിലാണ് പരിശോധന നടത്തുന്നതെന്ന് പോലീസ് അറിയിച്ചു. ഡല്ഹി സ്ഫോടനത്തെ തുടർന്ന് കൊച്ചിയിലും വ്യാപക പരിശോധന. എറണാകുളം സൗത്ത് റെയില്വേ സ്റ്റേഷനിലും മറ്റ് ജനങ്ങള് കൂട്ടമായി വരാൻ സാധ്യതയുള്ള സ്ഥലങ്ങളിലുമാണ് പരിശോധന നടത്തുന്നത്. ആർപിഎഫും പോലീസും ചേർന്നാണ് പരിശോധന നടത്തുന്നത്.
പാലക്കാട്ട് റെയില്വേ സ്റ്റേഷനുകളിലും പരിശോധന നടന്നു. ഡോഗ്-ബോംബ് സ്ക്വാഡുകളുടെ നേതൃത്വത്തിലാണ് പരിശോധന. പാലക്കാട് ജംഗ്ഷൻ, ഷൊർണൂർ തുടങ്ങിയ പ്രധാനപ്പെട്ട സ്റ്റേഷനുകളില് പരിശോധന തുടരുകയാണ്. ആലപ്പുഴ ജില്ലയില് റെയില്വേ സ്റ്റേഷനില് ബോംബ് സ്ക്വാഡും കെ – 9 സ്ക്വാഡും പരിശോധന നടത്തി.
SUMMARY: Delhi blast; Bomb squad steps up checks in Kerala
