ബെംഗളൂരു: മലയാളി നഴ്സിങ് വിദ്യാർഥി ബെംഗളൂരുവിലെ താമസസ്ഥലത്ത് വീണു മരിച്ചു കെ.ജി ഹള്ളിയിലെ സ്വകാര്യ നഴ്സിംഗ് കോളേജില്‍ രണ്ടാം വര്‍ഷ ബിരുദ വിദ്യാര്‍ഥിയായ വടകര ഏറാമല പള്ളിപ്പുനത്തിൽ ശ്രീരാഗ് രവീന്ദ്രൻ (19) ആണ് മരിച്ചത്. ബുധനാഴ്ച രാത്രി കോളേജ് ഹോസ്റ്റലില്‍ ഉറങ്ങാന്‍ കിടക്കുന്നതിനായി ഡബിള്‍ ഡെക്കര്‍ കട്ടിലിന്റെ മുകളിലേക്ക് കയറുന്നതിനിടെ താഴേയ്ക്ക് തലയടിച്ച് വീണ ശ്രീരാഗ് സംഭവസ്ഥലത്ത് വെച്ച് തന്നെ മരണപ്പെടുകയായിരുന്നു.
ഏറാമല രവീന്ദ്രന്റെയും പ്രജിതയുടെയും മകനാണ്. സഹോദരി: ശ്രീയുക്ത (വിദ്യാർഥിനി, കെ.കെ.എം.ജി.വി.എച്ച്.എസ്.എസ്. ഓർക്കാട്ടേരി).
മൃതദേഹം പോസ്റ്റ് മോര്‍ട്ടം നടപടിക്രമങ്ങള്‍ പൂര്‍ത്തിയാക്കി നാട്ടിലേക്ക് കൊണ്ടുപോയി. സംസ്‌കാരം വെള്ളിയാഴ്ച രാവിലെ 10 മണിക്ക് വീട്ടുവളപ്പിൽ.
SUMMARY: Malayali nursing student dies after falling and hitting head at residence in Bengaluru
