സ്വർണവിലയില്‍ വർധനവ്

തിരുവനന്തപുരം: കേരളത്തിൽ സ്വർണവിലയില്‍ വർധനവ്. ഇന്നലെ കുറഞ്ഞ സ്വർണത്തിനാണ് ഇന്ന് വൻ വർധനവ് ഉണ്ടായിരിക്കുന്നത്. ഇന്ന് പവന് 1,400 രൂപയാണ് കൂടിയിരിക്കുന്നത്. ഇതോടെ 97,280 രൂപയാണ് ഇന്നത്തെ സ്വർണവില. ഗ്രാമിന് 175 രൂപ കൂടിയതോടെ 12,160 രൂപയിലേക്കും സ്വർണം എത്തി. ഈ മാസത്തെ ഏറ്റവും ഉയർന്ന നിരക്ക് ആണ് ഇത്. ഇന്നലെ പവന് 95,880 രൂപയായിരുന്നു വില.

സ്വര്‍ണ വിലയില്‍ ആഗോള വിപണിയില്‍ ഉണ്ടാകുന്ന മാറ്റങ്ങള്‍ ആണ് ഇന്ത്യൻ വിപണിയിലും കാണാൻ കഴിയുന്നത്. ഡോളറിന്റെ മൂല്യത്തിലെ കയറ്റിറക്കങ്ങള്‍ അന്താരാഷ്ട്ര വിപണിയില്‍ അലയടിക്കും. ഇത് ഇന്ത്യന്‍ മാര്‍ക്കറ്റിലും പ്രതിഫലിക്കും.

SUMMARY: Gold rate is increased