തിരുവനന്തപുരം: മാധ്യമപ്രവര്ത്തകനും മലയാള മനോരമ തിരുവനന്തപുരം സ്പെഷല് കറസ്പോണ്ടന്റുമായ ജി.വിനോദ് (54) അന്തരിച്ചു. തിരുവനന്തപുരത്തെ സ്വകാര്യ ആശുപത്രിയില് ചികിത്സയിലിരിക്കെയാണ് മരണം.
അന്വേഷണാത്മക റിപ്പോർട്ടിങുകളിലൂടെ ശ്രദ്ധേയനായിരുന്നു. പത്രപ്രവർത്തനത്തിൽ സംസ്ഥാന സർക്കാരിന്റെ പുരസ്കാരങ്ങളടക്കം നിരവധി അവാർഡുകൾ നേടിയിട്ടുണ്ട്. രാഷ്ട്രദീപികയില് മാധ്യമപ്രവര്ത്തനം ആരംഭിച്ച വിനോദ്, 2002ലാണു മനോരമയില് ചേര്ന്നത്. അന്നു മുതല് തിരുവനന്തപുരം ബ്യൂറോയിലാണ് ജോലി ചെയ്തിരുന്നത്.
മെഡിക്കല് കോളജ് മുറിഞ്ഞപാലം ശാരദ നിവാസില് പരേതനായ ഗോപിനാഥ പണിക്കരുടെയും (റിട്ട. സ്റ്റാറ്റിസ്ക്സ് ഓഫിസര്, കേരള സര്വകലാശാല), രമാദേവിയുടെയും (കേരള സര്വകലാശാല മുന് ഉദ്യോഗസ്ഥ) മകനാണ്.
ഭാര്യ: സിന്ധു സൂര്യകുമാര് (എക്സിക്യുട്ടീവ് എഡിറ്റര്, ഏഷ്യാനെറ്റ് ന്യൂസ്). മകന്: ഇഷാന് (ശ്രീകാര്യം ഇടവക്കോട് ലക്കോള് ചെമ്പക സ്കൂള് അഞ്ചാം ക്ലാസ് വിദ്യാര്ഥി). സംസ്കാരം പിന്നീട് നടക്കും.
SUMMARY: Journalist G. Vinod passes away
