ബെംഗളൂരു: റീൽ ചിത്രീകരിക്കുന്നതിനിടെ കെട്ടിടത്തിൽ നിന്നുതാഴെ വീണ് പത്താംക്ലാസ് വിദ്യാർഥി മരിച്ചു. അന്നപൂർണേശ്വരിനഗറിലെ സിവിൽ കോൺട്രാക്ടർ ഹർഷയുടെ മൂത്തമകനും സ്കൂൾവിദ്യാർഥിയുമാ യഎച്ച്. നിഷാന്താണ് (15) മരിച്ചത്.
രണ്ട് സുഹൃത്തുക്കൾക്കൊപ്പമാണ് ഡി ഗ്രൂപ്പ് ലേഔട്ട ലെ ഉപേക്ഷിക്കപ്പെട്ട കെട്ടിടത്തിൽ റീൽ ചിത്രീകരിക്കാൻ നിഷാന്ത് എത്തിയത്. കെട്ടിടത്തിനുള്ളിൽ കയറിയ നിഷാന്ത് ചുമരിൽക്കയറി ഷീറ്റിട്ട മേൽക്കൂരയിലെത്തി. ഷീറ്റിലൂടെ നടക്കരുതെന്ന് സുഹൃത്തുകൾ വിളിച്ചുപറഞ്ഞെങ്കിലും വിദ്യാർഥി മുന്നോട്ടുനീങ്ങി. ഇതിനിടെ ബാലൻസ് നഷ്ടപ്പെട്ട് 40 അടി താഴേക്കുവീഴുകയായിരുന്നു. വീഴ്ചയിൽ തലയ്ക്ക് ഗുരുതരപരിക്കേറ്റ നിഷാന്തിനെ സുഹൃത്തുക്കൾ അടുത്തുള്ള ആശുപത്രിയിലെത്തിച്ചെങ്കിലും രക്ഷിക്കാനായില്ല. അന്നപൂർണേശ്വരി നഗർ പോലീസ് അസ്വാഭാവികമരണത്തിന് കേസ് രജിസ്റ്റർ ചെയ്തു.
SUMMARY: A 15-year-old boy died after falling from a building while filming a reel
