ബെംഗളൂരു: കഗ്ഗദാസപുര മെയിൻ റോഡിലെ വിജ്ഞാനനഗർ സിഗ്നലിൽ ഉണ്ടായ വാഹനാപകടത്തിൽ 33കാരനായ യുവാവ് മരിച്ചു. ഹെയർ സ്റ്റൈലിസ്റ്റായി ജോലി ചെയ്യുന്ന നവീനാണ് മരിച്ചത്. തിങ്കളാഴ്ച രാവിലെ ജോലിക്ക് പോകുന്നതിനിടെയാണ് അപകടം.
സിഗ്നലിൽ നവീൻ സ്കൂട്ടറിൽ കാത്തുനിൽക്കുന്നതിനിടെ പിന്നിൽ നിന്ന് അതിവേഗത്തിലെത്തിയ കാർ നിയന്ത്രണം വിട്ട് മുന്നിലുണ്ടായിരുന്ന വാഹനങ്ങളിലേക്ക് ഇടിച്ചുകയറുകയായിരുന്നു. ഇടിയുടെ ശക്തിയിൽ ദൂരത്തേക്ക് തെറിച്ചുവീണ് ഗുരുതര പരുക്കേറ്റ നവീൻ സംഭവസ്ഥലത്തുതന്നെ മരിച്ചു.
അപകടത്തിന്റെ ദൃശ്യങ്ങൾ സി.സി.ടി.വിയിൽ പതിഞ്ഞിട്ടുണ്ട്. നവീൻ ബാർബർ ഷോപ്പിൽ ഹെയർ സ്റ്റൈലിസ്റ്റായി ജോലി ചെയ്തുവരികയായിരുന്നു. സംഭവത്തിൽ 63കാരനായ കാർ ഡ്രൈവറെ പോലീസ് കസ്റ്റഡിയിലെടുത്തു. ജീവൻ ഭീമനഗർ ട്രാഫിക് പോലീസ് കേസ് രജിസ്റ്റർ ചെയ്ത് അന്വേഷണം ആരംഭിച്ചു.
SUMMARY: A car crashes into a bike stopped at a signal; A tragic end for a 33-year-old youth
