തൃശൂർ: വാണിയംപാറയില് വീട്ടിലെ ശുചിമുറിയില് വച്ച് രണ്ടര വയസുകാരന് പാമ്പ് കടിയേറ്റു. കൊമ്പഴ മോളിയേക്കല് വീട്ടില് ശാന്തി പീറ്ററിന്റെ മകൻ ആദം എന്ന രണ്ടര വയസുകാരനാണ് പാമ്പ് കടിയേറ്റത്. ചൊവ്വാഴ്ച രാത്രിയാണ് സംഭവം. ശംഖുവരയൻ എന്ന ഇനത്തില്പ്പെട്ട പാമ്പാണ് കടിച്ചത്.
കുട്ടിയെ ജൂബിലി മിഷൻ ആശുപത്രിയില് പ്രവേശിപ്പിച്ചിരിക്കുകയാണ്. ബാത്ത് റൂമിന്റെ വെന്റിലേഷൻ വഴി പാമ്പ് കയറിയെന്നാണ് സംശയം. കുട്ടിയുടെ ആരോഗ്യനില തൃപ്തികരമാണെന്ന് ഡോക്ടർമാർ അറിയിച്ചു. കഴിഞ്ഞ ദിവസമാണ് കൊടകരയില് എട്ട് വയസുകാരൻ ആല്ജോ പാമ്പ് കടിയേറ്റ് മരിച്ചത്. കാവുങ്ങല് സ്വദേശി സില്ജോയുടെ മകനാണ്.
ആല്ജോയുടെ സഹോദരൻ അനോഷ് ആശുപത്രിയില് തുടരുകയാണ്. കുട്ടിക്ക് ഭക്ഷ്യവിഷബാധയെന്നാണ് വീട്ടുകാർ ആദ്യം കരുതിയത്. എന്നാല് ഡോക്ടർമാർക്ക് സംശയം തോന്നുകയും കുടുംബത്തോട് വീട് പരിശോധിക്കാൻ ആവശ്യപ്പെടുകയുമായിരുന്നു. ഇതേതുടർന്ന് ബന്ധുക്കള് നടത്തിയ പരിശോധനയിലാണ് കുട്ടിയുടെ കിടപ്പുമുറിയില് നിന്ന് പാമ്പിനെ കണ്ടെത്തിയത്.
SUMMARY: A two-and-a-half-year-old boy was bitten by a snake again in Thrissur
