ദുബായ്: ദുബായിൽ വ്യോമാക്രമണ പ്രതിരോധത്തിനിടെയുണ്ടായ അവശിഷ്ടങ്ങൾ വീണ് പ്രവാസി ഡ്രൈവർക്ക് ദാരുണാന്ത്യം. ദുബായിലെ അൽ ബ‍ർഷയിലുണ്ടായ സംഭവത്തിൽ ഏഷ്യക്കാരനാണ് മരിച്ചത്. ശനിയാഴ്ച രാത്രിയാണ് സംഭവം.
ശത്രുക്കളുടെ മിസൈല്‍, വ്യോമ പ്രതിരോധ സേന ആകാശത്തുവെച്ച് വിജയകരമായി തകര്‍ക്കുന്നതിനിടെ ഇതിന്റെ കഷ്ണങ്ങള്‍ താഴെ പാര്‍ക്ക് ചെയ്തിരുന്ന വാഹനത്തിന് മുകളില്‍ പതിക്കുകയായിരുന്നു.
സംഭവസ്ഥലത്ത് സുരക്ഷാ സേനയും ആംബുലന്‍സ് വിഭാഗവും ഉടനടി എത്തി ആവശ്യമായ നടപടികള്‍ സ്വീകരിച്ചു. ശത്രുക്കളുടെ നീക്കങ്ങളെ പ്രതിരോധിക്കുന്നതിനിടെയുണ്ടായ നിര്‍ഭാഗ്യകരമായ സംഭവമാണിതെന്നും മറ്റ് നാശനഷ്ടങ്ങള്‍ ഒഴിവാക്കാന്‍ പ്രതിരോധ സംവിധാനങ്ങള്‍ കാര്യക്ഷമമായി പ്രവര്‍ത്തിക്കുന്നുണ്ടെന്നും അധികൃതര്‍ വ്യക്തമാക്കി. അല്‍ ബര്‍ശ മേഖലയിലെ സ്ഥിതിഗതികള്‍ നിലവില്‍ സുരക്ഷാ ഉദ്യോഗസ്ഥരുടെ പൂര്‍ണ നിയന്ത്രണത്തിലാണെന്നും അധികൃതര്‍ പറഞ്ഞു.
SUMMARY: Airstrike resistance; Expatriate dies after missile debris falls on Al Barsha, Dubai
