കൊച്ചി: അനധികൃത സ്വത്ത് സമ്പാദന കേസില്‍ പി വി അൻവറിന് ഇ ഡി നോട്ടീസ് അയച്ചു. 2016 മുതല്‍ 2021 വരെ കാലയളവില്‍ സ്വത്തില്‍ 50 കോടി വർധനയുണ്ടായെന്ന ഇഡിയുടെ കണ്ടെത്തലിന് പിന്നാലെ ആണ് മുൻ എംഎല്‍എ പി വി അൻവറിന് നോട്ടീസ് അയച്ചത്. നോട്ടീസ് അയച്ചത് പ്രകാരം, ബുധനാഴ്ച ചോദ്യം ചെയ്യലിന് കൊച്ചി ഓഫീസില്‍ ഹാജരാകാനാണ് നിർദ്ദേശം നല്‍കിയിരിക്കുന്നത്.
വിജിലൻസ് എടുത്ത കേസിന്റെ തുടർച്ചയായാണ് ഇഡിയും കേസെടുത്തത്. ഫിനാൻഷ്യല്‍ കോർപ്പറേഷൻ വായ്പ തട്ടിപ്പിലാണ് ഇ ഡി അന്വേഷണം. ഒരേ വസ്തു വെച്ച്‌ ഫിനാൻഷ്യല്‍ കോർപ്പറേഷനില്‍ നിന്നും വ്യത്യസ്ത വായ്പകള്‍ വാങ്ങിയെന്നാണ് കണ്ടെത്തല്‍. നേരത്തെ അൻവറിന്റെ സ്ഥാപനങ്ങളില്‍ അടക്കം ആറിടത്ത് ഇ ഡി പരിശോധന നടത്തിയിരുന്നു. പി വി അൻവറിന് ദുരൂഹ ബെനാമി സാമ്പത്തിക ഇടപാടുകളെന്നാണ് എൻഫോഴ്സ്മെന്‍റ് ഡയറക്ടേറ്റ് കണ്ടെത്തല്‍.
SUMMARY: Benami transaction: ED sends notice to PV Anwar
