ബെംഗളൂരു: പക്ഷാഘാതത്തെ തുടര്ന്നു ചികിത്സയിലായ ബെംഗളൂരുവിലെ മലയാളി യുവാവ് സഹായം തേടുന്നു. തൃശ്ശൂർ സ്വദേശിയും ബെംഗളൂരു ഉദയനഗർ നിവാസിയുമായ സി.വി. ജയപ്രകാശ് ആണ് ചികിത്സാ സഹായം തേടുന്നത്. പക്ഷാഘാതത്തെ തുടർന്നു കഴിഞ്ഞ ഒരു വർഷത്തോളമായി ചികിത്സയിലായിരുന്നു ജയപ്രകാശ്. ചികിത്സ പുരോഗമിക്കേ അദ്ദേഹത്തിന്റെ രണ്ടു വൃക്കകളും പ്രവർത്തനരഹിതമായിരിക്കയാണ്. വൃക്ക മാറ്റിവെക്കുക മാത്രമാണ് അദ്ദേഹത്തെ ജീവിതത്തിലേക്ക് തിരിച്ചു കൊണ്ടുവരാനുള്ള മാർഗ്ഗം എന്നാണ് ഡോക്ടർമാരുടെ നിർദ്ദേശം. ഇപ്പോൾ ആഴ്ചയിൽ മൂന്ന് തവണ ഡയാലിസിസ് ആവശ്യമായിട്ടുള്ള ജയപ്രകാശ് നിലവില് എറണാകുളം ലിസി ഹോസ്പിറ്റലിൽ വൃക്ക മാറ്റി വെക്കുന്നതിനുള്ള ചികിത്സയിലാണ്.
വൃക്ക നൽകാൻ അദ്ദേഹത്തിന്റെ ഭാര്യ തന്നെ തയാറായിട്ടുണ്ട്. ആവശ്യമായ പരിശോധനകൾക്ക് ശേഷം അത് യോജിച്ചതാണെന്ന് കണ്ടെത്തുകയും ചെയ്തിട്ടുണ്ട്. വൃക്ക മാറ്റി വെക്കലിനും തുടർ ചികിത്സക്കുമായി ഭീമമായ തുക ചെലവുവരുന്നുണ്ട്, എട്ടുവയസു മാത്രം പ്രായമുള്ള രണ്ടു പെൺകുട്ടികളും ഭാര്യയും അടങ്ങുന്ന കുടുംബത്തിന് മറ്റു വരുമാന മാർഗ്ഗങ്ങൾ ഒന്നുമില്ല. ചെറിയ സഹായങ്ങൾ പോലും ജയപ്രകാശിനെ ജീവിതത്തിലേക്ക് കൊണ്ടുവരാനുള്ള പരിശ്രമത്തിൽ വിലയേറിയതാണ്.
സംഭാവനകൾ അയക്കേണ്ട ബാങ്ക് വിവരങ്ങൾ:
ജയപ്രകാശ് സി വി
A/C നമ്പർ 755001506016
ICICI ബാങ്ക്
IFSC code ICIC0007550
Google pay: 8884636242 Jayaprakash C V.
കൂടുതൽ വിവരങ്ങൾക്ക്: ഷിജി ജയപ്രകാശ് (ഭാര്യ) 9538949889
