തിരുവനന്തപുരം: കശുവണ്ടി അഴിമതിക്കേസില് ഒന്നാം പ്രതിയും കോര്പ്പറേഷന് മുന് എംഡിയുമായ കെ എ രതീഷ് രാജിവെച്ചു. ഖാദി ബോര്ഡ് സെക്രട്ടറി സ്ഥാനം അടക്കമുള്ള പദവികളാണ് രാജിവെച്ചത്. അഴിമതിക്കേസില് പ്രതിയായ ഒരാള് സര്ക്കാരിന്റെ മൂന്നു സുപ്രധാന പദവികളില് ഇപ്പോഴും തുടരുന്നത് ആശ്ചര്യകരമാണെന്ന് ഹൈക്കോടതി അഭിപ്രായപ്പെട്ടിരുന്നു.
ഇതേത്തുടര്ന്ന് മുഖ്യമന്ത്രി വിഡി സതീശന് രതീഷിനോട് രാജി ആവശ്യപ്പെടുകയായിരുന്നു എന്നാണ് സൂചന. കേരള റൂട്രോണിക്സ് മാനേജിങ് ഡയറക്ടര്, കേരള ഖാദി തൊഴിലാളി ക്ഷേമനിധി ബോര്ഡ് സിഇഒ പദവികളും രതീഷ് വഹിച്ചിരുന്നു. ഈ പദവികളും രതീഷ് രാജിവെച്ചതായാണ് റിപ്പോര്ട്ട്. കശുവണ്ടി അഴിമതിക്കേസ് പരിഗണിക്കുമ്പോള്, കെ എ രതീഷ് ഇപ്പോഴും സുപ്രധാന പദവികള് വഹിക്കുന്നതില് ഹൈക്കോടതി വിമര്ശനം ഉന്നയിച്ചിരുന്നു.
SUMMARY: Cashew scam case: K.A. Ratheesh resigns as Khadi Board Secretary
