ബെംഗളൂരു: കർമലാരം മൗണ്ട് കാർമൽ ഫൊറോനാ പള്ളി യിൽ ഇടവക മധ്യസ്ഥയായ പരിശുദ്ധ കർമല മാതാവിൻ്റെയും ഉണ്ണിയേശുവിന്റെയും വിശുദ്ധ സെബസ്ത്യാനോസിൻ്റെയും തിരുനാൾ ആഘോത്തിന് കൊടിയേറി. വികാരി ഫാ. അഗസ്റ്റിൻ പുതിയേടത്തുചാലിൽ കൊടിയേറ്റ് നടത്തി. സഹവികാരിമാരായ ഫാ. ജോയ് ചുരപ്പന്തിയിൽ, ഫാ. ആൽബിൻ മഠത്തിപ്പറമ്പിൽ, കർമലാരം തിയോളജി കോളേജ് റെക്ടർ ഫാ. വർഗീസ് ചിറ്റൂപ്പറമ്പിൽ, വൈസ് റെക്ടർ ഫാ. ജോർജ് വെട്ടിക്കുഴി, ഫാ. പോൾസൺ, ഫാ. ജോർജ്, ഫാ. ജോൺ എന്നിവർ സംബന്ധിച്ചു. വൈകീട്ട് ജപമാല, പ്രസുദേന്തി വാഴ്ച എന്നിവയുണ്ടായി. തിരുനാൾ കമ്മിറ്റി കൺവീനർ സന്തോഷ് മാത്യു, ചീഫ് ട്രസ്റ്റി കെ.എൻ. ജോസഫ്, ട്രസ്റ്റിമാരായ ഷോയ് സെബാസ്റ്റ്യൻ, റോയ് ജോസഫ്, ബിനോയ് തോമസ് എന്നിവർ നേതൃത്വം നൽകി.
തിരുനാൾ ആഘോഷങ്ങള് ജനുവരി 26 വരെ നീണ്ടു നില്ക്കും. രണ്ടാം ദിവസമായ ഇന്ന് വൈകിട്ട് 6.30-ന് മാതൃവേദി, പിതൃവേദി, മൗണ്ട് കാർമൽ യൂത്ത്, സൊസൈറ്റി ഓഫ് സെയ്ന്റ് വിൻസെൻ്റ് ഡി പോൾ, പകൽവീട് എന്നിവയുടെ സംയുക്ത വാർഷികം നടക്കും. 18-ന് വൈകീട്ട് 6.30-ന് ആരാധനാ ചാപ്പലിൻ്റെ വെഞ്ചരിപ്പ്, പൊതുസ മ്മേളനം, കുടുംബയൂണിറ്റ് വാർഷികം, സ്നേഹവിരുന്ന്. 24-ന് വൈകിട്ട് കുർബാനക്ക് മാണ്ഡ്യ രൂപതാ ബിഷപ്പ് മാർ സെബാ സ്റ്റ്യൻ എടയന്ത്രത്ത് മുഖ്യകാർ മികനാകും. പ്രദക്ഷിണം, ലേസർ ലൈറ്റ് ആൻഡ് ഷോ, കരിമരുന്ന് പ്രകടനം, ബാൻഡ്മേളം, ചെണ്ടമേളം എന്നിവയുമുണ്ടാകും.
25-ന് വൈകിട്ട് നാലിന് സിടിസി പള്ളിയിൽനിന്ന് അമ്പ് പ്രദക്ഷിണം. 4.30-ന് കുർബാ നക്ക് കർദിനാൾ മാർ ജോർജ് ആലഞ്ചേരി മുഖ്യ കാർമികനാകും. തുടർന്ന് പ്രദക്ഷിണം. രാത്രി ഏഴിന് ഗായകരായ രഞ്ജിനി ജോസ്, സുനിൽകുമാർ, റിച്ചുക്കുട്ടൻ എന്നിവർ അണിനിരക്കുന്ന വോയ്സ് ഓഫ് കാലിക്കറ്റിന്റെ ഗ്രാൻഡ് മ്യൂസിക്കൽ നൈറ്റും കോമഡിഷോയും അരങ്ങേറും.
SUMMARY: Church feast started Mount Carmel Forane Church
