ഇന്ഡോര്: ക്ലിനിക്കില് ചികിത്സയ്ക്കെത്തിയ 30കാരിയെ പീഡിപ്പിച്ച ഡോക്ടര് അറസ്റ്റില്. മധ്യപ്രദേശിലെ ഇന്ഡോറിലാണ് സംഭവം. യുവതിയെ തുടര് ചികിത്സ വാഗ്ദാനം ചെയ്ത് യുവതിയെ പീഡിപ്പിക്കുകയും നഗ്നചിത്രങ്ങള് പകര്ത്തി ഭീഷണിപ്പെടുത്തുകയുമായിരുന്നു. തുടര്ന്ന് യുവതി നല്കിയ പരാതിയിലാണ് അറസ്റ്റ്. അറസ്റ്റിനു പിന്നാലെ ഒരു സംഘം ആളുകള് ഡോ. സഈദ് ഖാന്റെ (ഷാഹിദ്) വീട് അടിച്ചുതകര്ത്ത് തീയിട്ടു.
സഈദ് ഖാന്റെ ക്ലിനിക്ക് പോലീസ് അടച്ചുപൂട്ടി. ചികിത്സ തേടി ക്ലിനിക്കിലെത്തിയ യുവതി മൂന്നു മാസം മുമ്പാണ് പീഡനത്തിന് ഇരയായത്. വയറുവേദനയെത്തുടര്ന്നാണ് യുവതി സഈദ് ഖാന്റെ ക്ലിനിക്കില് ചികിത്സ തേടി എത്തിയത്. ഇന്ജക്ഷന് നല്കി മയക്കിയ ശേഷം ഇയാള് യുവതിയെ പീഡിപ്പിക്കുകയും നഗ്നചിത്രങ്ങള് എടുക്കുകയും ചെയ്തെന്ന് യുവതി പരാതിയില് പറയുന്നു.
പിന്നീട് നഗ്നചിത്രങ്ങള് പുറത്തുവിടുമെന്ന് ഭീഷണിപ്പെടുത്തി ഡോക്ടര് ഉപദ്രവിക്കുകയും പത്താല്പാനിയിലെ ഒരു റിസോര്ട്ടിലേക്ക് കൊണ്ടുപോയി വീണ്ടും പീഡിപ്പിച്ചെന്നും യുവതിയുടെ പരാതിയില് പറയുന്നു. ഭാരതീയ ന്യായ സംഹിത, മധ്യപ്രദേശ് മതസ്വാതന്ത്ര്യ നിയമം, 2021 എന്നീ വകുപ്പുകള് പ്രകാരമാണ് സഈദ് ഖാനെതിരെ കേസെടുത്തത്.
SUMMARY: Doctor arrested for raping and taking nude photos of young woman who came for treatment
WhatsApp
Telegram
