ബെംഗളരു: കണ്ണൂർ സ്വദേശിയായ യുവാവിനെ ബെംഗളൂരുവിലെ സ്വകാര്യ ഹോട്ടലിൽ മരിച്ച നിലയിൽ കണ്ടെത്തി. കീഴ്പള്ളി ചതിരൂർ വെള്ളാപാണിയിൽ ജോർജിന്റെ മകൻ സാവിയോ ജോർജ് (42) ആണ് മരിച്ചത്. കഴിഞ്ഞ ശനിയാഴ്ച രാവിലെ എറണാകുളത്ത് നിന്നും പിക്കപ്പ് വണ്ടിയിൽ സാധനങ്ങളുമായി ബെംഗളൂരുവില് എത്തിയ സാവിയോ യശ്വന്തപുര ആർഎംസി യാര്ഡിന് സമീപത്തുള്ള സ്വകാര്യ ഹോട്ടലിൽ താമസിച്ചു വരികയായിരുന്നു. മുറിയിൽ നിന്നും പുറത്തേക്കിറങ്ങാത്തതിനെ തുടര്ന്നു ഹോട്ടൽ ജീവനക്കാർ പോലീസിനെ വിവരം അറിയിച്ച് നടത്തിയ പരിശോധനയിലാണ് മുറിക്കകത്ത് മരിച്ച നിലയിൽ കണ്ടെത്തിയത്.
എമർജൻസി ഹെൽപ്പ് ഡെക്സ് പ്രവർത്തകനായ ടോമി ജെ ആലുങ്കൽ, ജിതിൻ നെടുങ്ങാട്ട് എന്നിവര് സ്ഥലത്തെത്തി പോലീസ് നടപടിക്രമങ്ങൾക്ക് നേതൃത്വം നൽകി. മൃതദേഹം രാമയ്യ മെഡിക്കൽ കോളേജിൽ നിന്ന് പോസ്റ്റുമോർട്ടം ചെയ്ത ശേഷം തിങ്കളാഴ്ച ഉച്ചയോടെ നാട്ടിലേക്ക് കൊണ്ടുപോകും.
അമ്മ: മേരിക്കുട്ടി. ഭാര്യ ക്ലിൻസി. സഹോദരൻ ലിയോ. സംസ്കാരം പിന്നീട്.
SUMMARY:Malayali youth found dead in Bengaluru
