ബെംഗളൂരു: ബെംഗളൂരു റൂറൽ ജില്ലയിലെ ദേവനഹള്ളിയുടെ പ്രാന്തപ്രദേശത്തുള്ള റാണി ക്രോസിന് സമീപം ഞായറാഴ്ച പുലര്ച്ചെ ട്രക്കും ടൂറിസ്റ്റ് ടെമ്പോ ട്രാവലറും കൂട്ടിയിടിച്ചുണ്ടായ അപകടത്തിൽ മൂന്ന് സ്ത്രീകൾ മരിച്ചു, എട്ട് പേർക്ക് പരുക്കേറ്റു. തുമകുരു ജില്ലയിലെ തിപ്തൂർ സ്വദേശികളായ ജയമ്മ (60), യശോദമ്മ (60), ഗംഗ (38) എന്നിവരാണ് മരിച്ചത്.
Midnight Horror Near Devanahalli Airport: 3 Women Killed as Speeding Lorry Smashes Tourist Vehicle in Deadly Collision
In a tragic late-night accident near Rani Cross on the outskirts of Devanahalli, three women lost their lives on the spot after a speeding lorry rammed into a… pic.twitter.com/l8mjMqTL8A
— Karnataka Portfolio (@karnatakaportf) March 22, 2026
ഹോസ്കോട്ടിനെയും ദബാസ്പേട്ടിനെയും ബന്ധിപ്പിക്കുന്ന എൻഎച്ച് 648 ലാണ് അപകടം. ഹൈവേയിൽ നിന്ന് സർവീസ് റോഡിലേക്ക് പ്രവേശിക്കുകയായിരുന്ന ടെമ്പോ ട്രാവലറുമായി ട്രക്ക് ഇടിക്കുകയായിരുന്നു. ആഘാതത്തിൽ ടെമ്പോ ട്രാവലറിന്റെ ഒരു ഭാഗം പൂർണ്ണമായും തകർന്നു.
15 ദിവസ കാശി തീർത്ഥാടനത്തിനായി പുറപ്പെട്ട 12 അംഗ സംഘം സഞ്ചരിച്ച വാഹനമാണ് അപകടത്തില്പ്പെട്ടത്. ഞായറാഴ്ച രാവിലെ 6 മണിക്കുള്ള വിമാനത്തിൽ യാത്രപുറപ്പെടാനായി കെമ്പെഗൗഡ അന്താരാഷ്ട്ര വിമാനത്താവളത്തിലേക്ക് പോകുകയായിരുന്നു ഇവർ. റൂട്ട് പരിചയമില്ലാത്ത ഡ്രൈവർ നാവിഗേഷനായി ഗൂഗിൾ മാപ്പിനെ ആശ്രയിച്ചിരുന്നതായി റിപ്പോർട്ടുകൾ സൂചിപ്പിക്കുന്നു. അപകടസ്ഥലത്തിന് തൊട്ടുമുമ്പ്, സർവീസ് റോഡിൽ വളവ് ഉണ്ടായിരുന്നു. എന്നിരുന്നാലും, ഡ്രൈവർ അത് തെറ്റി മുന്നോട്ട് പോയി, അടുത്ത പോയിന്റിൽ യു-ടേൺ ചെയ്യാൻ ശ്രമിക്കുന്നതിനിടയിലാണ് എതിരെ വന്നലോറിയുമായി കൂട്ടിയിടിച്ചത്.
അപകടത്തില് ഗുരുതരമായി പരുക്കേറ്റവരെ വിദഗ്ധ ചികിത്സയ്ക്കായി ബെംഗളൂരുവിലെ ആശുപത്രിയിലേക്ക് മാറ്റി. ടൂറിസ്റ്റ് വാഹനത്തിന്റെ ഡ്രൈവർ ഉൾപ്പെടെ പരുക്കേറ്റ ബാക്കിയുള്ള യാത്രക്കാർ നിലവിൽ ദേവനഹള്ളിയിലെ ഒരു സ്വകാര്യ ആശുപത്രിയില് ചികിത്സയിലാണ്.
ദേവനഹള്ളി ട്രാഫിക് പോലീസ് കേസ് രജിസ്റ്റർ ചെയ്തിട്ടുണ്ട്. കൂടുതൽ അന്വേഷണം നടത്തിവരികയാണെന്ന് പോലീസ് പറഞ്ഞു. അപകടത്തെത്തുടർന്ന് ഹൈവേയിൽ താൽക്കാലിക ഗതാഗതക്കുരുക്ക് ഉണ്ടായി. ദേവനഹള്ളി ട്രാഫിക് പോലീസ് സ്ഥലത്തെത്തി മൃതദേഹങ്ങൾ മോർച്ചറിയിലേക്ക് മാറ്റി.
SUMMARY: Three women killed, eight injured in road accident in Bengaluru
