ബെംഗളൂരു: കാറുകൾ കൂട്ടിയിടിച്ചുണ്ടായ അപകടത്തിൽ അഞ്ച് പേർ മരിച്ചു. 12 വയസ്സുകാരിയായ സിദ്ധു, കുട്ടിയുടെ രണ്ട് ബന്ധുക്കൾ, കാർ ഡ്രൈവർ യോഗേഷ്, നാഗരാജ് എന്നിവരാണ് മരിച്ചത്. അപകടത്തിൽ നാല് പേർക്ക് ഗുരുതരമായി പരുക്കേറ്റു.
ഗൗരി-ഗണേശ ഉത്സവങ്ങൾക്കായി പാവഗഡ താലൂക്കിലെ യെറ്റിനഹൽ സന്ദർശിച്ച ശേഷം ബെംഗളൂരു ജെപി നഗറിലെ വീട്ടിലേക്ക് മടങ്ങുകയായിരുന്നു കുടുംബം. മധുഗിരിയിൽ നിന്ന് കൊരട്ടഗെരെയിലേക്ക് പോവുകയായിരുന്ന മറ്റൊരു കാറുമായാണ് ഇവർ സഞ്ചരിച്ച കാർ കൂട്ടിയിടിച്ചത്. ബെംഗളൂരുവിലേക്ക് പോവുകയായിരുന്ന കാർ ട്രക്കിനെ മറികടക്കാൻ ശ്രമിക്കുന്നതിനിടെയാണ് അപകടമുണ്ടായതെന്ന് പോലീസ് പറഞ്ഞു.
ഇടിയുടെ ആഘാതത്തിൽ രണ്ട് വാഹനങ്ങൾക്കും സാരമായ കേടുപാടുകൾ സംഭവിച്ചു. മണിക്കൂറുകൾ നീണ്ട പരിശ്രമത്തിനൊടുവിലാണ് പോലീസും നാട്ടുകാരും ചേർന്ന് കാരിലുണ്ടായിരുന്നവരെ പുറത്തെത്തിച്ചത്. പരുക്കേറ്റ എട്ടുവയസുകാരൻ ഉൾപ്പെടെ നാല് പേരെ സമീപത്തെ ആശുപത്രിയിലേക്ക് മാറ്റി. സംഭവത്തിൽ മധുഗിരി പോലീസ് കേസെടുത്തു.
TAGS: KARNATAKA | ACCIDENT
SUMMARY: Five killed, four injured in accident in Madhugiri
