പത്തനംതിട്ട: തുമ്പമണ്ണില്‍ തട്ടുകടയ്ക്കു തീപിടിച്ച്‌ കടയുടമയ്ക്ക് പൊള്ളലേറ്റു. കടയുടമ സെല്‍വരാജിനാണ് പൊള്ളലേറ്റത്. ഇയാളെ സമീപത്തെ സ്വകാര്യ ആശുപത്രിയില്‍ പ്രവേശിപ്പിച്ചു. പരുക്ക് ഗുരുതരമല്ല. ഗ്യാസ് സിലിണ്ടർ ചോർന്നാണ് തീപിടുത്തം ഉണ്ടായത്. കടയില്‍ ഉണ്ടായിരുന്ന ആളുകള്‍ ഇറങ്ങി ഓടിയതിനാല്‍ വലിയ അപകടം ഒഴിവായി. തീപിടുത്തത്തില്‍ രണ്ട് ബൈക്കുകള്‍ കത്തി നശിച്ചു.
തുമ്പമണ്‍ എസ്.ബി.ഐക്ക് സമീപമുള്ള എൻ.എസ്.കെ എന്ന ലഘുഭക്ഷണ ശാലയ്ക്കാണ് തീപിടിച്ചത്. കടയുടമ പുതിയ ഗ്യാസ് സിലണ്ടർ കണക്‌ട് ചെയ്യുമ്പോള്‍ ഇതിന് തീപിടിക്കുകയായിരുന്നു. സിലിണ്ടറില്‍ നിന്ന് തീ ശക്തിയായി പുറത്തേക്ക് പ്രവഹിച്ചതോടെ സിലിണ്ടർ കടയുടെ പുറത്തേക്ക് വലിച്ചെറിഞ്ഞു. ഇതില്‍ നിന്ന് തീ പടർന്നാണ് ബൈക്കും സ്കൂട്ടറും കത്തിയത്.
സമീപത്തുണ്ടായിരുന്നവർ പരിഭ്രാന്തരായി. നാട്ടുകാർ ഉടൻതന്നെ സമീപത്തെ പെട്രോള്‍ പമ്പില്‍ നിന്ന് ഫയർ എക്സ്റ്റിംഗ്യൂഷൻ അടക്കം എത്തിച്ചെങ്കിലും തീ പൂർണമായും നിയന്ത്രണവധേയമാക്കാനായില്ല. പിന്നിട് അടൂരില്‍ നിന്ന് ഫയർഫോഴ്സ് എത്തി തീ നിയന്ത്രണ വിധേയമാക്കിയപ്പാഴേക്കും കട ഭാഗികമായും ബൈക്കും സ്കൂട്ടറും പൂർണമായും കത്തിയിരുന്നു.
SUMMARY: Gas cylinder leak causes fire at a shed; bikes destroyed
