ബെംഗളൂരു: ഹോം സ്റ്റേയിലെ വാട്ടർ ഹീറ്ററിൽനിന്നുള്ള വാതകച്ചോർച്ചയെത്തുടർന്ന് യുവതി മരിച്ചു. മൈസൂരു സ്വദേശിനിയായ വിനുതയാണ് (27) മരിച്ചത്. കുടക് ജില്ലയിലെ സോംവാർപേട്ടിലെ കൽക്കണ്ടുവിലുള്ള ഒരു ഹോംസ്റ്റേയിൽ ഞായറാഴ്ചയായിരുന്നു സംഭവം. ഓഫീസിലെ സഹപ്രവർത്തകർക്കൊപ്പമുള്ള വിനോദയാത്രയ്ക്കിടെയാണ് അപകടം നടന്നത്.
കുളിക്കാനായി പോയ വിനുത പുറത്തിറങ്ങാൻ വൈകിയതിനെത്തുടർന്ന് അന്വേഷി ച്ചപ്പോഴാണ് കുളിമുറിയിൽ അബോധാവസ്ഥയിൽ കണ്ടത്. സഹപ്രവർത്തകർ അടുത്തുള്ള ആശുപത്രിയിൽ എത്തിച്ചെങ്കിലും മരിച്ചിരുന്നു.
തകരാറിലായ വാട്ടർ ഹീറ്ററിൽനിന്നുള്ള കാർ ബൺ മോണോക്സൈഡ് വാതകം ശ്വസിച്ചാണ് മരണമെന്നാണ് പ്രാഥമിക നിഗമനം. ഇടുങ്ങിയ കുളിമുറിയിൽ ശരിയായ രീതിയിൽ വായുസഞ്ചാരത്തിനുള്ള സൗകര്യമുണ്ടായിരുന്നില്ല. സംഭവത്തില് പോലീസ് കേസെടുത്ത് അന്വേഷണം ആരംഭിച്ചു.
SUMMARY: Gas leak from water heater at home stay; woman dies
