ഡല്ഹി: റിലയൻസ് ഇൻഡസ്ട്രീസ് മേധാവി മുകേഷ് അംബാനിയെ മറികടന്ന് അദാനി ഗ്രൂപ്പിന്റെ സ്ഥാപകനും ചെയർമാനുമായ ഗൗതം അദാനി ഏഷ്യയിലെ ഏറ്റവും ധനികനായ വ്യക്തിയായി. അദാനി ഗ്രൂപ്പിന്റെ ഓഹരി വിലയിലെ നേട്ടങ്ങള്ക്കിടയിലാണ് ഈ റിപ്പോർട്ടുകളും പുറത്ത് വന്നത്. വർഷങ്ങളായി ഏഷ്യയിലെ ഏറ്റവും ധനികനായ വ്യക്തിയായിരുന്നു മുകേഷ് അംബാനി.
ബ്ലൂംബെർഗ് ബില്യണയേഴ്സ് സൂചിക പ്രകാരം അദാനിയുടെ ആസ്തി 92.6 ബില്യണ് ഡോളറാണ്. അംബാനിയുടെ ആസ്തി ഏകദേശം 90.8 ബില്യണ് ഡോളറാണ്. ലോകത്തിലെ ഏറ്റവും ധനികരായ 20 പേരില് ഈ രണ്ടുപേരും ഉള്പ്പെടുന്നുണ്ട്.
അതേസമയം, 656 ബില്യണ് ഡോളർ ആസ്തിയുള്ള ടെക് കോടീശ്വരനായ എലോണ് മസ്കാണ് ലോകത്തിലെ ഏറ്റവും ധനികനായ വ്യക്തി. അമേരിക്കൻ വ്യവസായിയും കമ്പ്യൂട്ടർ ശാസ്ത്രജ്ഞനുമായ ലാറി പേജ് 286 ബില്യണ് ഡോളർ ആസ്തിയുമായി രണ്ടാം സ്ഥാനത്താണ്.
SUMMARY: Gautam Adani becomes Asia’s richest man
