ബെംഗളൂരു: നഗരത്തിൽ സെൻട്രൽ ക്രൈംബ്രാഞ്ച് ഉദ്യോഗസ്ഥരും പോലീസും ചേര്‍ന്ന് അനധികൃത കുടിയേറ്റക്കാരെ കണ്ടെത്താൻ നടത്തിയ പരിശോധനയില്‍ 124 ബംഗ്ലാദേശികളടക്കം 200 പേര്‍ പിടിയിലായി. കടുഗോഡി, വരത്തൂർ മേഖലയിൽ പോലീസ് പരിശോധന നടത്തിയത്. താത്കാലിക ഷെഡുകളിൽ താമസി ച്ചിരുന്നവരിൽ 48-പുരുഷന്മാരും 42-സ്ത്രീകളും 34-കുട്ടികളുമുണ്ട്. നൈജീരിയയിൽനിന്നുള്ള പൗരന്മാരും പിടിയിലായവരിലുണ്ട്.
അനധികൃതമായി താമസിക്കുന്ന വിദേശപൗരന്മാരെക്കുറിച്ചുള്ള രഹസ്യവിവ രങ്ങളുടെ അടിസ്ഥാനത്തിലായിരുന്നു പരിശോധന. കസ്റ്റഡിയിലെടുത്തവരുടെയും രേഖകൾ പരിശോധിച്ചുവരുകയാണ്. ആരോഗ്യ കുടുംബ ക്ഷേമവകുപ്പ്, ഗ്രേറ്റർ ബെംഗളൂ രു അതോറിറ്റി, സാമൂഹികക്ഷേമവകുപ്പ് എന്നിവയുടെ സഹായത്തോടെയാണ് ക്രൈംബ്രാഞ്ച് പരിശോധന നടത്തിയത്. വരുംദിവസങ്ങളിലും പരിശോധന തുടരുമെന്ന് സിറ്റി പോലീസ് കമ്മിഷണർ സീമന്ത് കുമാർ സിങ് അറിയിച്ചു.
SUMMARY: Illegal immigration; 200 people, including 124 Bangladeshis, arrested in Bengaluru
