കണ്ണൂർ: സേലം ഡിവിഷനിലെ ട്രാക്കുകളില് അറ്റകുറ്റപ്പണികള് നടക്കുന്നതിനാല് കണ്ണൂർ-കോയമ്പത്തൂർ (16607), കോയമ്പത്തൂർ-കണ്ണൂർ (16608) എക്സ്പ്രസ് ട്രെയിനുകള് നവംബർ 26-ന് ഭാഗികമായി റദ്ദാക്കിയതായി റെയില്വേ അറിയിച്ചു. ഇതിനുപുറമെ ചില സ്പെഷ്യല് ട്രെയിനുകള് പൂർണമായും റദ്ദാക്കുകയും, എഗ്മോർ എക്സ്പ്രസില് അധിക കോച്ച് അനുവദിക്കുകയും ചെയ്തിട്ടുണ്ട്. കണ്ണൂർ-കോയമ്പത്തൂർ എക്സ്പ്രസ് (16607) പാലക്കാട് ജങ്ഷനും കോയമ്പത്തൂരിനും ഇടയില് സർവീസ് റദ്ദാക്കി.
നവംബർ 26-ന് ഈ ട്രെയിൻ പാലക്കാട് ജങ്ഷനില് യാത്ര അവസാനിപ്പിക്കും. കോയമ്പത്തൂർ-കണ്ണൂർ എക്സ്പ്രസ് (16608) കോയമ്പത്തൂരിനും പാലക്കാട് ജങ്ഷനും ഇടയില് സർവീസ് റദ്ദാക്കി. അന്നേദിവസം വൈകിട്ട് 3.10-ന് പാലക്കാട് ജങ്ഷനില് നിന്നാകും ട്രെയിൻ യാത്ര ആരംഭിക്കുക. ചർലപ്പള്ളി-കൊല്ലം ജങ്ഷൻ സ്പെഷ്യല് എക്സ്പ്രസ് (07195) നവംബർ 22-ന് പൂർണമായും സർവീസ് റദ്ദാക്കി.
കൊല്ലം-ചർലപ്പള്ളി സ്പെഷ്യല് എക്സ്പ്രസ് (07196) നവംബർ 24-ന് പൂർണമായും സർവീസ് റദ്ദാക്കി. ചെന്നൈ എഗ്മോർ – മംഗളൂരു സെൻട്രല് – ചെന്നൈ എഗ്മോർ (16159/16160) ട്രെയിനുകളില് താല്ക്കാലികമായി ഒരു സ്ലീപ്പർ ക്ലാസ് കോച്ച് അധികമായി അനുവദിച്ചു. ചെന്നൈ എഗ്മോർ-മംഗളൂരു എക്സ്പ്രസില് (16159) നവംബർ 20 മുതലും, മംഗളൂരു-ചെന്നൈ എഗ്മോർ എക്സ്പ്രസില് (16160) നവംബർ 22 മുതലുമാണ് അധിക സ്ലീപ്പർ കോച്ച് ഉണ്ടായിരിക്കുക.
SUMMARY: Kannur-Coimbatore Express partially cancelled on November 26















