ബെംഗളൂരു: കൊടും ചൂടില് വലഞ്ഞ് വടക്കന് കര്ണാടക. സംസ്ഥാനത്തെ ഇതുവരെയുള്ളത്തില് വെച്ച് എറ്റവും കൂടിയ താപനിലയാണ് ബീദറിൽ രേഖപ്പെടുത്തിയത്. ജില്ലയിലെ ഔറാദ് താലൂക്കിലെ ചിന്താക്കിയിൽ ചൊവ്വാഴ്ച 46 ഡിഗ്രി സെൽഷ്യസാണ് രേഖപ്പെടുത്തിയത്. റായ്ച്ചുരുവിലെ ലിംഗസ്ഗുരുവിൽ 44 ഡിഗ്രിയും രേഖപ്പെടുത്തി. ബീദറിലും റായ്ച്ചുരിലും ചൊവ്വാഴ്ച ഉച്ചയ്ക്ക് 2.15-ഓടെയാണ് പരമാവധി ചൂട് രേഖപ്പെടുത്തിയത്.
ബെള്ളാരി ഉൾപ്പെടെ വടക്കൻ കർണാടകയിലെ മിക്ക ജില്ലകളിലും 40 ഡിഗ്രിക്കു മുകളിലാണു താപനില അനുഭവപ്പെട്ടത്. മൈസൂരുവിൽ ചൊവ്വാഴ്ച ചൂട് 40 ഡിഗ്രിയിലെത്തിയിരുന്നു. എച്ച്.ഡി.കോട്ടെ താലൂക്കിൽ 39.6 ഡിഗ്രി ചൂടാണ് ബുധനാഴ്ച അനുഭവപ്പെട്ടത്.
ചൊവ്വാഴ്ച ബെംഗളൂരു അർബനിൽ 38 ഡിഗ്രി ചൂട് അനുഭവപ്പെട്ടു. തീരദേശ ജില്ലകളായ ഉഡുപ്പി, ദക്ഷിണ കന്നഡ, ഉത്തര കന്നഡ എന്നിവിടങ്ങളിലും ചൂടും ഈർപ്പമുള്ള കാലാവസ്ഥ തുടരുകയാണ്. ബിദർ, കല ബുഗറി, യാദ്ഗിർ, റായ്ച്ചൂരു, വിജയപുര, ഗദഗ്, ധാർവാഡ്, ബാഗൽക്കോട്, കൊപ്പാൾ എന്നിവിടങ്ങളിൽ വരുംദിവസങ്ങളിൽ ചൂട് കൂടാനും ഉഷ്ണക്കാറ്റിനും സാധ്യതയുണ്ടെന്ന് കാലാവസ്ഥാ കേന്ദ്രം അറിയിച്ചു. ചൂട് ക്രമാതീതമായി കൂടുന്ന സാഹചര്യത്തിൽ സംസ്ഥാനത്തെ സര്ക്കാര് ആശുപത്രികളിൽ സൂര്യാഘാത ചികിത്സാ യൂണിറ്റുകൾ ആരംഭിച്ചിട്ടുണ്ട്.
SUMMARY: Karnataka swelters in extreme heat; Bidar records record high of 46 degrees!!!
