ചൊവ്വാഴ്ച രാത്രി 11.30 വരെ കേരള തീരത്തും തമിഴ്നാട് തീരത്തും കള്ളക്കടല് പ്രതിഭാസത്തിനും, ഉയർന്ന തിരമാലയ്ക്കും സാധ്യതയുണ്ടെന്നറിയിച്ച് ദേശീയ സമുദ്രസ്ഥിതി പഠന ഗവേഷണ കേന്ദ്രം. അതിനാല്, ഈ പ്രദേശങ്ങളിലെ മത്സ്യത്തൊഴിലാളികളും തീരദേശവാസികളും പ്രത്യേക ജാഗ്രത പാലിക്കണമെന്നാണ് നല്കിയിരിക്കുന്ന നിർദേശം.
കണ്ണൂർ, കാസറഗോഡ് ജില്ലകളിലെ തീരങ്ങളില് പ്രത്യേക ജാഗ്രതാ നിർദേശം നല്കിയിട്ടുണ്ട്. ഇന്നു രാത്രി 11.30 മുതല് ചൊവ്വാഴ്ച രാവിലെ 08.30 വരെ 3.3 മുതല് 3.6 മീറ്റർ വരെ ഉയർന്ന തിരമാലയ്ക്കാണ് ഈ ജില്ലകളിലെ തീരങ്ങളില് സാധ്യതയുള്ളത്.
ഇന്നു രാവിലെ 11.30 മുതല് ചൊവ്വാഴ്ച രാത്രി 11.30 വരെ തിരുവനന്തപുരം, കൊല്ലം, ആലപ്പുഴ, മലപ്പുറം, കോഴിക്കോട്, കണ്ണൂർ ജില്ലകളിലെ തീരങ്ങളില് 2.6 മുതല് 3.3 മീറ്റർ വരെ ഉയർന്ന തിരമാലയ്ക്കും കടലാക്രമണത്തിനുമാണ് സാധ്യതയുള്ളത്.
WhatsApp
Telegram
