ഇംഫാല് : മണിപ്പൂരിനെ പിടിച്ചുകുലുക്കിയ വംശീയ അക്രമങ്ങളില് സംസ്ഥാനത്തെ ജനങ്ങളോട് ഖേദം പ്രകടിപ്പിച്ച് മുഖ്യമന്ത്രി എന് ബിരേന് സിങ്. ഈ വര്ഷം മുഴുവന് ദൗര്ഭാഗ്യകരമായിരുന്നുവെന്നും അതില് തനിക്ക് ഖേദമുണ്ടെന്നും ജനങ്ങളോട് ക്ഷമ ചോദിക്കാന് ആഗ്രഹിക്കുന്നുവെന്നും ബിരേന് സിങ് പറഞ്ഞു. സ്വവസതിയില് നടത്തിയ വര്ഷാന്ത്യ വാര്ത്ത സമ്മേളനത്തിലായിരുന്നു അപ്രതീക്ഷിത ക്ഷമ ചോദിക്കല്.
കഴിഞ്ഞ മെയ് 3 മുതല് ഇന്നുവരെ സംഭവിച്ചതില് സംസ്ഥാനത്തെ ജനങ്ങളോട് ഞാന് മാപ്പുചോദിക്കുന്നു. നിരവധി ആളുകള്ക്ക് അവരുടെ പ്രിയപ്പെട്ടവരെ നഷ്ടമായി. പലര്ക്കും വീടുകള് വിട്ടുപോകേണ്ടിവന്നു. സംഭവത്തില് എനിക്ക് അതിയായ ദുഃഖമുണ്ട്. ഞാന് മാപ്പു ചോദിക്കുന്നു.മുഖ്യമന്ത്രി പറഞ്ഞു. മൂന്ന് നാല് മാസമായി സമാധാനത്തിലാണ് കാര്യങ്ങള് പോകുന്നത്. 2025 ആകുമ്പോഴേക്കും സംസ്ഥാനത്ത് സാധാരണ നില പുനഃസ്ഥാപിക്കപ്പെടുമെന്ന് ഞാന് വിശ്വസിക്കുന്നു- മുഖ്യമന്ത്രി പറഞ്ഞു
സംഭവിച്ചതെല്ലാം സംഭവിച്ചു. കഴിഞ്ഞ തെറ്റുകള് നിങ്ങള് ക്ഷമിക്കുകയും മറക്കുകയും വേണം, സമാധാനപരവും സമൃദ്ധവുമായ മണിപ്പൂരിലേക്ക് നമുക്ക് ഒരു പുതിയ ജീവിതം ആരംഭിക്കാം,’ അദ്ദേഹം പറഞ്ഞു, മണിപ്പൂരിലെ 35 ഗോത്രങ്ങളും ഒരുമിച്ച് ഐക്യത്തോടെ ജീവിക്കണമെന്നും മുഖ്യ്മന്ത്രി ആവശ്യപ്പെട്ടു
കലാപത്തിലിതുവരെ 12,247 എഫ്ഐആറുകള് രജിസ്റ്റര് ചെയ്തിട്ടുണ്ടെന്നും 625 പേരെ അറസ്റ്റ് ചെയ്തിട്ടുണ്ടെന്നും ബിരേന് സിങ് അറിയിച്ചു. 5600 ആയുധങ്ങളടക്കം 35,000 വെടിക്കോപ്പുകള് തിരിച്ച് പിടിച്ചതായും ബിരേന് സിങ് അവകാശപ്പെട്ടു.
അതേസമയം ബിരേന് സിങിന് സമാനമായി പ്രധാനമന്ത്രി മാപ്പ് പറയാത്തതെന്തെന്നാണ് കോണ്ഗ്രസ് ചോദിച്ചു. ലോകവും രാജ്യവും ചുറ്റി നടന്നിട്ടും പ്രധാനമന്ത്രി മണിപ്പൂര് സന്ദര്ശിച്ചില്ല എന്നും ജയ്റാം രമേശ് വിമര്ശിച്ചു.
മെയ്തെയ് വിഭാഗത്തിലുള്ളവരെ പട്ടികവര്ഗത്തില്പ്പെടുത്താന് സംസ്ഥാന സര്ക്കാരിനോട് നിര്ദേശിച്ച മണിപ്പുര് ഹൈക്കോടതി ഉത്തരവിനെത്തുടര്ന്നുള്ള പ്രക്ഷോഭമാണ് സംസ്ഥാനത്തെ വംശീയ കലാപത്തിലേക്ക് നയിച്ചത്. കഴിഞ്ഞ മെയ് മുതല് സംസ്ഥാനത്ത് നടക്കുന്ന കുക്കി-മെയ്തെയ് സംഘര്ഷങ്ങളില് ഇതുവരെ 220-ലധികം പേര്ക്ക് ജീവന് നഷ്ടമായി. ആയിരക്കണക്കിന് പേര്ക്ക് പരുക്കേറ്റു. പതിനായിരങ്ങളാണ് ഭവനരഹിതരായത്.
<BR>
TAGS : MANIPUR RIOT | N BIREN SINGH
SUMMARY : Manipur CM Biren Singh apologizes to people for riots
തൃശ്ശൂർ: തൃശ്ശൂർ പൂരത്തോടനുബന്ധിച്ച് യാത്രക്കാരുടെ തിരക്ക് കണക്കിലെടുത്ത് കൊല്ലം – തൃശ്ശൂർ റൂട്ടിൽ പ്രത്യേക മെമു സർവീസുകൾ ആരംഭിക്കാൻ ദക്ഷിണ…
തിരുവനന്തപുരം: വേനൽക്കാലത്ത് അമീബിക് മസ്തിഷ്ക ജ്വരം (അമീബിക്ക് മെനിഞ്ചോഎൻസെഫലൈറ്റിസ്) വർധിക്കാൻ സാധ്യതയുള്ളതിനാൽ ജാഗ്രത പാലിക്കണമെന്ന് ആരോഗ്യമന്ത്രി വീണാ ജോർജ് മുന്നറിയിപ്പ്…
ബെംഗളൂരു: ബെംഗളൂരു മലയാളി റൈറ്റേഴ്സ് ആന്റ് ആര്ട്ടിസ്റ്റ്സ് ഫോറം പ്രസിദ്ധീകരിക്കുന്ന സാഹിത്യസമാഹാരമായ 'വൈഖരി' യുടെ പ്രകാശനം മെയ് 3 ന്…
ഡല്ഹി: മുഖ്യ തിരഞ്ഞെടുപ്പ് കമ്മിഷണർ ഗ്യാനേഷ് കുമാറിനെ നീക്കം ചെയ്യണമെന്ന് ആവശ്യപ്പെട്ട് രാജ്യസഭയില് പ്രതിപക്ഷ എം.പിമാർ നോട്ടീസ് നല്കി. കോണ്ഗ്രസ്…
കോഴിക്കോട്: പൂവാട്ടുപറമ്പില് ആളില്ലാത്ത വീട് കുത്തി തുറന്ന് മോഷണം. ജില്ലാ പഞ്ചായത്ത് അസിസ്റ്റൻഡ് എൻജിനീയർ ദിവ്യ വാടകയ്ക്ക് താമസിക്കുന്ന വീട്ടിലാണ്…
കൊച്ചി: കൊടുംചൂട് തുടരുന്നതിനിടെ കൊച്ചിയില് പാർക്ക് ചെയ്തിരുന്ന ബൈക്കിന് തീപിടിച്ചു. എറണാകുളം പഴങ്ങനാട് സമരിറ്റൻ ആശുപത്രിക്ക് മുന്നിലെ പാർക്കിംഗ് ഏരിയയില്…