ബെംഗളൂരു: ബെംഗളൂരു സിവി രാമൻ നഗർ നാഗവാരപാള ഓൾഡ് മദ്രാസ് റോഡിലുള്ള ഗോപാലൻ ഗ്രാൻഡ് മാളിൽ പുതിയ ലുലു ഹൈപ്പർമാർക്കറ്റ് പ്രവർത്തനം തുടങ്ങി. ലുലു ഗ്രൂപ്പ് ചെയർമാനും മാനേജിങ് ഡയറക്ടറുമായ എം.എ.യൂസഫലി, എം.എ.ഗോപാലൻ ഗ്രൂപ്പ് ചെയർമാൻ സി.ഗോപാലൻ എന്നിവർ ചേർന്ന് ഉദ്ഘാടനം ചെയ്തു. രാജ്യത്തെ 18-ാമത്തെയും ബെംഗളൂരുവിലെ ആറാമത്തെയും ഹൈപ്പർ മാർക്കറ്റാണിത്.
ഉദ്ഘാടനം പ്രമാണിച്ച് വ്യാഴാഴ്ച വരെ വിവിധ ഉത്പന്നങ്ങൾക്ക് പ്രത്യേക വിലക്കിഴവുണ്ടാകും. ഹൈപ്പർ മാർക്കറ്റിന്റെ പ്രവർത്തനം നേരിട്ടും പരോക്ഷമായും 1000-ത്തിൽപരം പ്രദേശവാസികൾക്ക് തൊഴിൽ നൽകുമെന്ന് ലുലു ഗ്രൂപ്പ് ചെയർമാനും മാനേജിങ് ഡയറക്ടറുമായ എം.എ. യൂസഫലി പറഞ്ഞു.
ലുലു ഗ്രൂപ്പ് ഇന്ത്യ എക്സിക്യുട്ടീവ് ഡയറക്ടർ എം.എ. അഷ്‌റഫ് അലി, ഡയറക്ടറും സി.ഇ.ഒ.യുമായ എം.എ. നിഷാദ്, ഡയറക്ടറും സി.ഒ.ഒ.യുമായ ഫഹാസ് അഷ്‌റഫ്, ഉത്തർപ്രദേശ്, ന്യൂഡൽഹി, തെലങ്കാന ഡയറക്ടർ ജയകുമാർ ഗംഗാധരൻ, കർണാടക റീജണൽ ഡയറക്ടർ കെ.കെ. ഷെരീഫ്, റീജണൽ മാനേജർ കെ.പി. ജമാൽ, ജനറൽ മാനേജർ കെ. നൗഷാദ് തുടങ്ങിയവരും ഉദ്ഘാടനച്ചടങ്ങിൽ പങ്കെടുത്തു.
SUMMARY: New Lulu Hypermarket opens in Bengaluru
