കണ്ണൂര്: കണ്ണൂര് അഞ്ചരക്കണ്ടി ദന്തല് കോളജ് വിദ്യാര്ഥി നിതിന് രാജ് ജീവനൊടുക്കിയ സംഭവത്തില് രണ്ടാം പ്രതിയായ ഡോ. സംഗീത നമ്പ്യാര് അന്വേഷണ ഉദ്യോഗസ്ഥന് മുന്നില് ഹാജരായി. പോലീസ് പ്രതിയെ അറസ്റ്റ് ചെയ്ത് ജാമ്യത്തില് വിട്ടു. മുന്കൂര് ജാമ്യം നല്കിയതിന് പിന്നാലെയാണ് ഇപ്പോള് സംഗീത നമ്പ്യാര് നേരിട്ട് ഹാജരായിരിക്കുന്നത്. കണ്ണൂര് എസിപിയുടെ നേതൃത്വത്തിലുള്ള സംഘമാണ് സംഗീതയുടെ മൊഴി രേഖപ്പെടുത്തിയത്. നേരത്തെ കോടതി ഇവർക്ക് മുൻകൂർ ജാമ്യം അനുവദിച്ചിരുന്നു.
കേസിലെ ഒന്നാം പ്രതി ഡോ. എം.കെ. റാമും ഡോ. സംഗീത നമ്പ്യാരും സംഭവത്തിന് ശേഷം ഒളിവിലായിരുന്നു. കഴിഞ്ഞ ദിവസമാണ് സംഗീത നമ്പ്യാർക്ക് കോടതി മുൻകൂർ ജാമ്യം നൽകിയത്. എന്നാൽ ഒന്നാം പ്രതിയായ ഡോ. എം.കെ. റാമിന്റെ മുൻകൂർ ജാമ്യാപേക്ഷ കോടതി തള്ളിയിരുന്നു. കോളേജ് വിദ്യാർഥിയുടെ മരണത്തിന് പിന്നാലെ അധ്യാപകർക്കെതിരെ വ്യാപക പ്രതിഷേധം ഉയർന്നിരുന്നു.
SUMMARY: Nitin Raj’s death; Dr. Sangeetha Nambiar appeared; arrest recorded and released on bail
