ബെംഗളൂരു: നമ്മ മെട്രോ സ്റ്റേഷനുകളിൽ അധിക സമയം നിന്നാൽ പിഴ ചുമത്തുമെന്ന് അറിയിച്ച് ബിഎംആർസിഎൽ. സ്റ്റേഷനിൽ അനുവദനീയമായ 20 മിനിറ്റിൽ കൂടുതൽ സമയം ചെലവഴിക്കുന്ന യാത്രക്കാരിൽ നിന്നാണ് പിഴ ഈടാക്കുക. എന്നാൽ ഇത് പുതിയ നിയമമല്ലെന്ന് ബിഎംആർസിഎൽ അറിയിച്ചു.
ഇതിനു മുമ്പും യാത്രക്കാരിൽ നിന്നും പിഴ ചുമത്തിയിരുന്നെങ്കിലും, യാത്രക്കാർ നിയമത്തെ കുറിച്ച് ബോധവാന്മാർ ആയിരുന്നില്ല. നിലവിൽ യാത്രക്കാരെ ബോധവത്കരിച്ച ശേഷം നിയമം നടപ്പാക്കാനാണ് തീരുമാനമെന്ന് ബിഎംആർസിഎൽ അധികൃതർ അറിയിച്ചു. നഗരത്തിൽ മെട്രോ പ്രവർത്തനം ആരംഭിച്ചതു മുതൽ ഈ നിയമം നിലവിലുണ്ട്. സ്റ്റേഷനുകളിലെ തിരക്ക് തടയുന്നതിനാണ് ഇത് നടപ്പാക്കുന്നതെന്ന് ബിഎംആർസിഎൽ അധികൃതർ പറഞ്ഞു. ഇത്തരം നിയമങ്ങളെക്കുറിച്ചുള്ള വിവരങ്ങൾ മെട്രോ സ്റ്റേഷനുകളിൽ പ്രദർശിപ്പിക്കുമെന്നും അധികൃതർ കൂട്ടിച്ചേർത്തു.
Reminder for Namma Metro commuters: Stick to the time limit! ⏰ Exceed the stipulated time at Metro stations? You’ll have to pay a fine.#NammaMetro #Travel #Bengaluru pic.twitter.com/M7o8ysOTUN
— North BangalorePost (@nBangalorepost) May 13, 2024
