പാലക്കാട്: സിപിഐഎം സംസ്ഥാന സെക്രട്ടറി എം വി ഗോവിന്ദന് നയിക്കുന്ന എല്ഡിഎഫ് വികസന മുന്നേറ്റ യാത്രയില് മുന് എംഎല്എയും സിപിഐഎം നേതാവുമായ പി കെ ശശി പങ്കെടുക്കില്ല. ആരോഗ്യപ്രശ്നങ്ങള് അലട്ടുന്നതിനാലാണ് പങ്കെടുക്കാത്തതന്നാണ് പികെ ശശി വിശദീകരിക്കുന്നത്.
പി കെ ശശി കോണ്ഗ്രസിലെത്തുമെന്ന് അഭ്യൂഹങ്ങള് പരന്നിരുന്നിരുന്നു. ഇതിനിടെയാണ് എല്ഡിഎഫ് ജാഥയില് നിന്നും വിട്ടുനില്ക്കുന്നത്. താൻ പ്രതിപക്ഷ നേതാവ് വി ഡി സതീശൻ നയിക്കുന്ന പുതുയുഗ യാത്രയിലും പങ്കെടുക്കില്ലെന്ന് പി കെ ശശി പറഞ്ഞു.
പി കെ ശശി കോണ്ഗ്രസിലെത്തിയാല് ഷൊര്ണ്ണൂര്, ഒറ്റപ്പാലം സീറ്റുകളില് ഏതെങ്കിലും ഒന്ന് നല്കിയേക്കുമെന്ന് സൂചനകള് ഉണ്ട്. എന്നാല് കോണ്ഗ്രസ് പ്രവേശന അഭ്യൂഹങ്ങള് പി കെ ശശി തള്ളിയിരുന്നു. താന് ഇപ്പോഴും സിപിഐഎമ്മിൻ്റെ അംഗമാണെന്നും പാര്ട്ടി അച്ചടക്കം ലംഘിച്ചിട്ടില്ലെന്നുമായിരുന്നു പി കെ ശശിയുടെ വിശദീകരണം.
SUMMARY: PK Sasi will not participate in the LDF development march
