മെക്സിക്കോ സിറ്റി: വടക്കേ അമേരിക്കൻ രാജ്യമായ മെക്സിക്കോയിലെ തെക്കൻ പ്രവിശ്യയായ ചിയാപ്പാസിൽ അതിശക്തമായ ഭൂചലനം. റിക്ടർ സ്കെയിലിൽ 7.4 തീവ്രത രേഖപ്പെടുത്തിയ ഭൂകമ്പമാണ് അനുഭവപ്പെട്ടത്. ഭൂചലനത്തിന്റെ പശ്ചാത്തലത്തിൽ പസഫിക് തീരമേഖലകളിൽ അധികൃതർ അടിയന്തര സുനാമി മുന്നറിയിപ്പ് പുറപ്പെടുവിച്ചു.
Guatemala earthquake and tsunami threat LATEST
A magnitude 7.4 earthquake struck the coast of Chiapas state in southern Mexico, near the border with Guatemala.
A tsunami warning was issued in the area. Eyewitnesses told Reuters news agency that in Guatemala 'buildings shook.'… pic.twitter.com/6JVBs1CfTJ
— Abhijit Pathak (@aajtakabhijit) July 17, 2026
മെക്‌സിക്കൻ നഗരമായ പ്യൂർട്ടോ മഡെറോയ്‌ക്ക് സമീപം ഭൂമിക്കടിയിൽ 10 കിലോമീറ്റർ ആഴത്തിലാണ് ഭൂചലനത്തിന്റെ പ്രഭവകേന്ദ്രമെന്ന് അമേരിക്കൻ ജിയോളജിക്കൽ സർവേ റിപ്പോർട്ടുകൾ പറയുന്നു. കെട്ടിടങ്ങൾ ശക്തമായി കുലുങ്ങി ഷെൽഫുകളിൽ നിന്ന് വസ്തുക്കൾ വീഴുന്ന ദൃശ്യങ്ങൾ സാമൂഹികമാധ്യമങ്ങളിൽ പ്രചരിക്കുന്നുണ്ട്. അതേസമയം വൻനാശനഷ്ടങ്ങളോ ആളപായമോ ഇതുവരെ ഔദ്യോഗികമായി റിപ്പോർട്ട് ചെയ്തിട്ടില്ല.
🚨 MORE QUAKE FOOTAGE EMERGES
Newly surfaced footage captures the intense shaking caused by the 7.4M earthquake in Mexico, with structures swaying and residents evacuating moments after the quake struck.#BreakingNews #Earthquake #Mexico #Tsunami #TsunamiWarning #Seismic… pic.twitter.com/6icf1BHqJB
— Rosa News Official (@Mirha1206) July 17, 2026
മെക്സിക്കോയ്ക്ക് പുറമെ അയൽരാജ്യങ്ങളായ എൽ സാൽവദോർ, ഗ്വാട്ടിമാല എന്നിവിടങ്ങളിലും അതിശക്തമായ പ്രകമ്പനം അനുഭവപ്പെട്ടത് ജനങ്ങളെ കടുത്ത പരിഭ്രാന്തിയിലാഴ്ത്തി. ഗ്വാട്ടിമാല സിറ്റിയിൽ ഉൾപ്പെടെ ഭൂചലനം ബാധിച്ച അതിർത്തി മേഖലകളിലെ ജനങ്ങളെ ഭരണകൂടം യുദ്ധകാലാടിസ്ഥാനത്തിൽ സുരക്ഷിത സ്ഥാനങ്ങളിലേക്ക് മാറ്റിപ്പാർപ്പിച്ചതായി അന്താരാഷ്ട്ര വാർത്താ ഏജൻസികൾ റിപ്പോർട്ട് ചെയ്യുന്നു.
SUMMARY: Powerful earthquake hits Mexico; tsunami warning issued
