തിരുവനന്തപുരം: സസ്പെൻഷൻ നടപടിയെ പരിഹസിച്ച് എൻ. പ്രശാന്ത് ഐഎഎസ്. വാറോല കൈപ്പറ്റിയ ശേഷം കൂടുതല് പ്രതികരിക്കുമെന്നും എല്ലാവരെയും സുഖിപ്പിച്ചു സംസാരിക്കല് നടക്കില്ലെന്നും പ്രശാന്ത് പറഞ്ഞു. ശരിയെന്ന് കരുതുന്ന കാര്യങ്ങള് പറയുന്നതില് തെറ്റില്ല. അഭിപ്രായസ്വാതന്ത്ര്യം എല്ലാവർക്കുമുള്ള അവകാശമാണെന്നും എൻ. പ്രശാന്ത് പറഞ്ഞു.
‘ജീവിതത്തില് ആദ്യമായി കിട്ടിയ സസ്പെന്ഷനാണ്. കുറേകാലം സ്കൂളിലും ലോ കോളേജിലുമൊക്കെ പഠിച്ചിട്ടുണ്ടെങ്കിലും ഇതുവരെ സസ്പെന്ഷനിലായിട്ടില്ല. അടുത്ത നടപടിയെക്കുറിച്ച് തീരുമാനിച്ചിട്ടില്ല. വിശദീകരണം ചോദിച്ചില്ലെന്ന പരാതിയൊന്നും തനിക്കില്ല. ഭരണഘടനയുടെ പരമാധികാരത്തിലാണ് വിശ്വസിക്കുന്നത്. ശരി എന്ന് തോന്നുന്ന കാര്യങ്ങള് പറയുന്നതില് തെറ്റില്ലെന്നാണ് അഭിപ്രായം. ബോധപൂര്വം ഒരു ചട്ടവും ലംഘിച്ചിട്ടില്ല. സസ്പെന്ഷന് ഡോക്യുമെന്റ് കണ്ടാലേ കാര്യം വ്യക്തമാകുകയുള്ളൂ’, പ്രശാന്ത് പറഞ്ഞു.
കൃഷി വകുപ്പ് സ്പെഷ്യല് സെക്രട്ടറിയായിരുന്ന പ്രശാന്തിനെ കഴിഞ്ഞ ദിവസം സർക്കാർ സസ്പെൻഡ് ചെയ്തിരുന്നു. ‘ഉന്നതി’ സിഇഒ ആയിരിക്കെ താൻ ഫയല് മുക്കിയെന്ന ആരോപണത്തിനു പിന്നില് ധന അഡീഷനല് ചീഫ് സെക്രട്ടറി എ ജയതിലക് ആണെന്നാരോപിച്ച് പ്രശാന്ത് സമൂഹമാധ്യമത്തില് നടത്തിയ രൂക്ഷ വിമർശനത്തിന് പിന്നാലെയാണ് സസ്പെൻഷൻ.
TAGS : PRASANTH IAS
SUMMARY : Prashanth said that he did not deliberately violate the rules
WhatsApp
Telegram
