ചെന്നൈ: തമിഴ് സിനിമയിലെ പ്രമുഖ നിര്മ്മാതാവ് എ വി എം ശരവണന് എന്ന ശരവണന് സൂര്യമണി അന്തരിച്ചു. എവിഎം പ്രൊഡക്ഷന്സിന്റെയും എവിഎം സ്റ്റുഡിയോസിന്റെയും ഉടമയാണ്. 86-ാം ജന്മദിനത്തിന് പിറ്റേന്ന് ചെന്നൈയിലാണ് അന്ത്യം. സംവിധായകനും നിര്മ്മാതാവുമായ അച്ഛന് എ വി മെയ്യപ്പന് 1945 ല് സ്ഥാപിച്ചതാണ് എവിഎം സ്റ്റുഡിയോസ്.
മകന് എം എസ് ഗുഹനും ചലച്ചിത്ര നിര്മ്മാതാവാണ്. എം ജി ആർ, ശിവാജി ഗണേശൻ, രജനികാന്ത്, കമല്ഹാസൻ തുടങ്ങിയവരുടെ സിനിമകള് എ വി എം ശരവണന് നിര്മ്മിച്ചിട്ടുണ്ട്. നാനും ഒരു പെണ്, സംസാരം അത് മിന്സാരം എന്നീ ചിത്രങ്ങള്ക്ക് ഫിലിംഫെയര് പുരസ്കാരങ്ങളും ലഭിച്ചിട്ടുണ്ട്.
1986 ല് മദ്രാസ് നഗരത്തിന്റെ ഷരീഫ് എന്ന ഓണററി പദവിയും അദ്ദേഹം വഹിച്ചിട്ടുണ്ട്. വടപളനി എവിഎം സ്റ്റുഡിയോയില് പൊതുദർശനം.
SUMMARY: Producer AVM Saravanan passes away
