ബെംഗളൂരു: കാലവര്‍ഷത്തെ തുടര്‍ന്ന് അടച്ചിട്ട ഉഡുപ്പി ജില്ലയിലെ പ്രധാന വിനോദ സഞ്ചാര കേന്ദ്രമായ മാൽപെ ബീച്ച് സന്ദര്‍ശകര്‍ക്കായി വീണ്ടും തുറന്നു. തിങ്കളാഴ്ച മുതല്‍ ജെറ്റ് സ്കീ റൈഡുകൾ, പാരാസെയിലിംഗ്, ബനാന റൈഡുകൾ, ബമ്പർ റൈഡുകൾ, സോർബിംഗ്, ബോട്ട് റൈഡുകൾ തുടങ്ങിയ ജല സാഹസിക പ്രവർത്തനങ്ങൾ മാൽപെ ബീച്ചിൽ പുനരാരംഭിച്ചു.
നവരാത്രി ആരംഭിച്ചതോടെ ബീച്ചിലേക്കുള്ള സന്ദർശകരുടെ എണ്ണം വർദ്ധിക്കുമെന്ന് അധികൃതര്‍ പറഞ്ഞു. ബീച്ച് സന്ദര്‍ശിക്കാനായി പുലർച്ചെ മുതൽ വിനോദസഞ്ചാരികൾ എത്തിയിരുന്നു. നിരവധി പേർ ജല കായിക വിനോദങ്ങളിൽ പങ്കെടുത്തു.
മഴക്കാലത്ത് പോലും ജില്ലയ്ക്ക് പുറത്തുനിന്നും സംസ്ഥാനത്തിന് പുറത്തുനിന്നും ഒട്ടേറെ വിനോദസഞ്ചാരികൾ കടൽ കാണാൻ ബീച്ചിൽ എത്താറുണ്ട്. മണ്‍സൂണ്‍ സീസണിൽ ഉയർന്ന വേലിയേറ്റവും ശക്തമായ തിരമാലകളും ഉള്ളതിനാല്‍ കടലില്‍ ഇറങ്ങുന്നത് അപകടകരമാണ്. മുന്നറിയിപ്പുകൾ നൽകിയിട്ടും, ചില സന്ദർശകർ കടലിൽ ഇറങ്ങാൻ ശ്രമിക്കാറുണ്ട്. ഇതേ തുടര്‍ന്നു, എല്ലാ വർഷവും കുറഞ്ഞത് നാല് മാസമെങ്കിലും ബീച്ചിലേക്കുള്ള പ്രവേശനം നിര്‍ത്തിവെക്കാറുണ്ട്. മുൻകരുതൽ നടപടികൾ സ്വീകരിക്കാറുണ്ട്. കടൽത്തീരത്ത് നിന്ന് ഏകദേശം 20 അടി അകലെ മത്സ്യബന്ധന വലകൾ കൊണ്ട് നിർമ്മിച്ച 10 അടി ഉയരമുള്ള ഒരു ബാരിക്കേഡ് സ്ഥാപിച്ചിട്ടുണ്ട്.
സന്ദർശകർക്കും ജല കായിക വിനോദങ്ങൾക്കുമായി ബീച്ച് വീണ്ടും തുറന്നിരിക്കുന്നതിനാൽ, വിനോദസഞ്ചാരികൾ ജാഗ്രത പാലിക്കണമെന്ന് ഉഡുപ്പി ഡെപ്യൂട്ടി കമ്മീഷണർ സ്വരൂപ് ടി.കെ. അഭ്യർത്ഥിച്ചു.
SUMMARY: Malpe Beach reopens for visitors
WhatsApp
Telegram
