മലപ്പുറം: എട്ടുവയസ്സുകാരിയെ ബലാത്സംഗംചെയ്ത കേസില് ബന്ധുവായ അമ്പത്തിരണ്ടുകാരന് 97 വർഷം കഠിനതടവും 7.75 ലക്ഷം രൂപ പിഴയും ശിക്ഷ. മഞ്ചേരി സ്പെഷ്യല് പോക്സോ കോടതി ജഡ്ജി എ.എം. അഷ്റഫാണ് ശിക്ഷ വിധിച്ചത്. പോക്സോ ഉള്പ്പെടെ വിവിധ വകുപ്പുകളിലായാണ് 97 വർഷം ശിക്ഷ. ശിക്ഷ ഒന്നിച്ചനുഭവിച്ചാല് മതി.
പിഴത്തുക കുട്ടിക്ക് നല്കാനും കോടതി ഉത്തരവിട്ടു. കൂടുതല് നഷ്ടപരിഹാരം നല്കുന്നതിനായി ജില്ലാ ലീഗല് സർവീസ് അതോറിറ്റിയോട് നിർദേശിക്കുകയുംചെയ്തു. പിഴ അടച്ചില്ലെങ്കില് ഒരുവർഷം അധികതടവ് അനുഭവിക്കണം.2024 മാർച്ച് 31-ന് വൈകുന്നേരമാണ് സംഭവം. വാഴക്കാട് പോലീസ് സ്റ്റേഷൻ ഇൻസ്പെക്ടർ കെ. രാജൻബാബുവാണ് പ്രതിയെ അറസ്റ്റുചെയ്ത് കുറ്റപത്രം സമർപ്പിച്ചത്.
SUMMARY: Relative who raped eight-year-old girl gets 97 years in prison
WhatsApp
Telegram
