തടാകത്തിൽ വീണ് സഹോദരങ്ങളെ കാണാതായി

ബെംഗളൂരു: തടാകത്തിൽ വീണ് സഹോദരങ്ങളെ കാണാതായി. കെംഗേരിയിലാണ് സംഭവം. ശ്രീനിവാസ് (13), ലക്ഷ്മി (11) എന്നിവരെയാണ് കാണാതായത്. തിങ്കഴാഴ്ച സന്ധ്യയ്ക്ക് 6 മണിയോടെയാണ് കുട്ടികളെ കാണാതായത്. ഇവർ തടാകത്തിൽ വെള്ളം എടുക്കാൻ പോയതാണെന്നാണ് വിവരം.

ആദ്യം ലക്ഷ്മിയാണ് തടാകത്തിലേക്ക് വീണത്. സഹോദരി വെള്ളത്തിൽ മുങ്ങിത്താണതോടെ പെൺകുട്ടിയെ രക്ഷിക്കാനാണ് ശ്രീനിവാസ് വെള്ളത്തിലേക്ക് എടുത്ത് ചാടിയത്. എന്നാൽ രണ്ട് പേരും വെള്ളത്തിലേക്ക് താഴ്ന്ന് പോകുകയായിരുന്നു. കുട്ടികൾക്കായുള്ള തിരച്ചിൽ പുരോഗമിക്കുകയാണെന്ന് പോലീസ് പറഞ്ഞു.

പ്രദേശത്ത് പെയ്യുന്ന കനത്ത മഴ തിരച്ചിലിന് വെല്ലുവിളി ഉയർത്തുന്നുണ്ട്. മഴ കനത്തതോടെ കെംഗേരി മെയിൻ റോഡിൽ വലിയ കുഴികളാണ് രൂപപ്പെട്ടിരിക്കുന്നത്. മഴ കുറഞ്ഞാൽ കുട്ടികൾക്കായുള്ള തിരച്ചിൽ ഊർജിതമാക്കുമെന്ന് പോലീസ് അറിയിച്ചു.

TAGS: BENGALURU | DROWNED
SUMMARY: Siblings missing after drowned in lake