ബെംഗളൂരു: ബെളഗാവിയിൽ മെഹബൂബ് സുബാനി ദർഗയിലെ ഉറൂസ് ഘോഷയാത്രയ്ക്കുനേരെ കല്ലേറുണ്ടായതിനെത്തുടർന്ന് സംഘർഷം. വെള്ളിയാഴ്ച രാത്രിയാണ് സംഭവം. ഘോഷയാത്ര ഘടക് ഗല്ലിയിലൂടെ കടന്നുപോകുമ്പോഴാണ് കല്ലേറുണ്ടായത്.
പോലീസ് ഇടപെട്ട് സംഘർഷത്തിന് അയവുവരുത്തി. 11 പേരെ കസ്റ്റഡിയിലെടുത്തു. ഘടക് ഗല്ലിയിലൂടെ ഘോഷയാത്ര പോകാറില്ലെന്നു പറഞ്ഞ് ചിലർ ചോദ്യം ചെയ്തതിനിടെയാണ് കല്ലേറുണ്ടായതെന്ന് പറയുന്നു. ആർക്കും പരുക്കില്ല. ഉയർന്ന പോലീസുദ്യോഗസ്ഥർ സ്ഥലത്തെത്തി. സ്ഥിതിഗതികള് നിയന്ത്രണ വിധേയമാണെന്ന് പോലീസ് അറിയിച്ചു.
SUMMARY: Stone pelting at procession in Belagavi, clashes erupt
