ബെംഗളൂരു: ജാലഹള്ളി പ്രിൻസ്ടൗൺ അപ്പാർട്മെന്റില് വിശ്വേശ്വര ഇൻഡസ്ട്രിയൽ ആൻഡ് ടെക്നോളജിക്കൽ മ്യൂസിയം (വിഐടിഎം.), ജനക്സ് യൂട്ടിലിറ്റി മാനേജ്മെന്റ് എന്നിവ സംയുക്തമായി സംഘടിപ്പിച്ച ശാസ്ത്രപ്രദർശനവും വാനനിരീക്ഷണവും ശ്രദ്ധേയമായി. നഗരത്തിലെ ഒരു പാർപ്പിട സമുച്ചയം കേന്ദ്രീകരിച്ച് വിഐടിഎം നടത്തിയ ആദ്യ പരിപാടിയായിരുന്നു ഇത്. അപ്പാർട്മെന്റിലെ വിശാലമായ മുറ്റത്തായിരുന്നു കുട്ടികള്ക്കും മുതിർന്നവര്ക്കും ശാസ്ത്രാവബോധം നല്കുന്ന വിവിധ പ്രദര്ശനങ്ങള് നടത്തിയത്.
വാന നിരീക്ഷണ സെഷൻ ആയിരുന്നു പരിപാടിയുടെ പ്രധാന ആകര്ഷണം. വിഐടിഎം കൊണ്ടുവന്ന ഉയർന്ന ശേഷിയുള്ള ടെലിസ്കോപ്പ് ഉപയോഗിച്ച് നിവാസികൾ ഗ്രഹങ്ങളും മറ്റ് ആകാശ അത്ഭുതങ്ങളും നേരിട്ട് കാണാൻ കഴിഞ്ഞു. കുട്ടികൾക്ക് ആദ്യമായാണ് ഇത്തരമൊരു പഠനാനുഭവം ലഭിക്കുന്നത്. വിദ്യാഭ്യാസ ഓഫീസർ ആർ. ഭരതൻ, ആർ. ആദിക, കെ. രമേഷ്, സഞ്ജന ആനന്ദ് എന്നിവരടങ്ങിയ ടീം വിവിധ ശാസ്ത്രപരീക്ഷണങ്ങൾ അവതരിപ്പിച്ചു. വിഐടിഎം ഡയറക്ടർ സാജു ഭാസ്കര്, ജനക്സ് യൂട്ടിലിറ്റി മാനേജ്മെന്റ് മാനേജിംഗ് ഡയറക്ടർ ജീവൻ കെ. രാജ് എന്നിവര് വിവിധ വിഷയങ്ങളില് കുട്ടികളുമായി സംവദിച്ചു. ശാസ്ത്രത്തെ കൂടുതൽ ജനകീയമാക്കുന്ന ഇത്തരത്തിലുള്ള പരിപാടികൾ ഇനിയും സംഘടിപ്പിക്കുമെന്ന് ഇരുവരും പറഞ്ഞു.
SUMMARY: The astronomical observation and science exhibition organized at Jalahalli Princetown Apartments was remarkable.
WhatsApp
Telegram
